Day 8 2/11/2013
行走里數 : 334km
Sandeman Cellars 、Palacio da Bolsa證券交易所宮、Igreja de São Francisco
聖方濟各堂
今日我哋就由Lisbon去Porto，個GPS之後睇過要成5個幾鐘車程先到。所以，今朝早我哋又係要早出發，今朝食完個早餐大概6點多D就出發。
豐富早餐
其實呢一程路行嘅路都幾好行，基本上都最少係行90km/h，今次重見到有警察擺Road Block添喎，我哋架車重俾佢哋叫埋去。佢哋一D英文都唔識，我都唔知佢講咩。講講下佢又攞佢張好似身份証嘅嘢出來，咁我咪俾個國際牌俾佢睇囉。佢睇完又講一大輪嘢，之後就示意要開車尾箱，跟住又要開件行李俾佢睇，攪完一大輪又佢又攞佢張好似身份証嘅嘢出來，咁我就俾咗張香港身份証佢睇，之後佢又唔知講咩，但係最後就示意我哋可以走人~~~話時話，佢哋同我哋都溝通唔到，我都唔知佢想查咩，不過可能佢見我哋架車係西班牙車牌就查下咁啦。
之後又行咗一陣，我哋就去油站入油順便放下水咁啦。我哋大概11:30就到咗Porto，首先去住宿個邊睇下泊車個位置先。
然後，我哋就去酒莊區個邊睇下嘢，不過去到Porto個時落緊雨。
酒莊區係住宿嘅對面河個邊，我哋揸架車去，見到無晒錶位，咪周圍兜下囉。兜完呢條街諗住兜返轉頭，睇下有無位啦，點知對面線有幾架車走，咁我哋就諗住駛入一個路口調頭，點知咁啱有架車駛入呢個路口，呢個路口再入就係一個停車場。咁~~~係咁嘅情況下，我哋就去泊咗呢個停車場喇。
泊好車，行出個停車場個時落好大雨，咁我哋就去停車場隔離嘅一個酒莊叫 Sandeman ，呢個酒莊都有香港嘅雜誌報導過嘅，我哋入到去就問下佢哋幾時有Tour，咁啱就有一個食開始，不過就係講西班牙文嘅，英文嘅就要成1700先有。我哋對於呢個酒嘅文化無咩研究，旨在睇下參觀下，呢個Tour每人收費EUR$5包試兩杯酒，我哋等咗一陣去個廁所出返來就開始。其實呢個參觀佢有分三種嘅，一種就係好似我哋Join嘅呢一種，第二種就係一樣咁參觀個酒狀，不過就試唔同級數嘅酒，收費EUR$16，最後一種就係可以去埋睇個葡萄園嘅，收費就要成 EUR$35，我諗對葡萄酒有興趣嘅人應該會去參加。
呢個Guide
Tour會帶你入去睇下個酒莊，然後講解下佢哋個酒莊嘅歷史。佢哋點樣去釀製葡萄酒，Port酒又係點樣出現嘅~~~咁我哋都唔知佢講咩，就只有係呢到周圍影下相，睇完個酒窖之後就會放一段片俾我哋睇。之後就會去試酒，分別有一杯白酒同一杯紅酒~~~話時話，佢哋D白酒同紅酒都幾好味，容易入口同埋都有D甜甜哋，不過最後我哋都無買到，因為係網上面有人講係出面買會平過係呢到買，但係呢，我哋係出面基本都無見都有得買呢一隻Sandeman嘅酒。
完成咗呢個Tour之後我哋就去搵食，因為都成點鐘啦。呢到其實之前搵個有一間餐廳有D特色嘢食，不過就離我哋家下個位置有D遠。咁啱我哋揸車入到呢個酒莊區嘅時候見到有間 Subway，於是我哋就去食Subway 喇。
食完行返出來又落過雨喎，個時都差不多1330喇，咁我哋就去返住宿個邊準備Checkin先，因為個到D泊位要有人走咗先泊到嘅。咁啱去到住宿附近又有一個位可以泊，咁泊好架車，我就去住宿個個位置搵個負責人Checkin，但係按極門鐘都無反應。咁我又無當地嘅電話，咪等下囉，又行去附近睇下有無得借電話，又搵唔到。最後又行返去住宿個到，咁啱個個負責人行返出來，話頭先啱啱有個客Checkin緊，所以無應到我門。之後，佢就帶我去我哋住個間Studio ，呢一間住宿都幾抵EUR$68.5租兩日~~不過就比之前個D細D ，但係都幾特別。攪好晒D嘢之後就去車到捚返D行李落去，話時話，其實呢到同 Granada到差不多，又係泊車同住宿到要行一段路先到。整好晒D嘢，係到休息下就出去睇下嘢同埋睇下附近有咩食同有咩買。係呢間住宿附近有間小型超市，入面有D菜同埋少少肉類買，不過就無大型超市咁多嘢買。我哋開頭行都無落雨嘅，點知行行下越落越大，大到行唔到，因為其實我哋得一把傘。本來諗住行去火車站到睇下附近有無大型超市買下嘢嘅，不過最後都係要放棄，因為基本真係行唔到，我哋見細雨咗就即刻行返去住宿附近個間超市都買今晚嘅嘢食，係去超市嘅途中，途徑一間當地嘅茶餐廳，佢哋有一種當地嘅三文治食，本來我想試下嘅，不過同行個個又唔想試，所以最後都無試到，呢款三文治我哋最後都食唔到，因為跟住個日就係星期日，個D餐廳無做生意~~嗚嗚~~~
I recall seeing the symbol of Sandeman which should be a famous brand in Porto.
回覆刪除我都唔次佢係出唔出名，不過係 Porto唔係周圍都有得買佢嘅酒
刪除