Day 6 31/10/2013
行走里數 : 488km
今日要由Sevilla, Spain 驅車去 Lisbon,
Portugal，車程差不多要6個鐘，其實如果行收費高速公路應該4個鐘到就可以到Lisbon。不過係網上面見到有人講葡萄牙嘅收費道路有分人手俾飛同埋電子收費嘅，人手俾飛嘅，就係你一駛入去收費道路就要攞張飛，到出去呢條道路個時就咁交俾收費亭，佢哋就會顯示你呢一程路段需要俾幾多錢，呢個都唔係問題。問題係電子收費道路係會用攝影機係每一個路段到影低你個車牌，然後就扣錢又或者去唔知咩地方俾錢，呢一個到幾麻煩。我係D論壇到見到有人行完，好耐都無寄來話要收佢錢，亦都有人收到租車公司寄來嘅賬單要收錢，而收嘅路費又唔係好多，反而租車公司收嘅行政費就重貴過個路費，重要係每一程收一次行政費~~因為我都唔知我行經嘅路段會唔會有電子收費系統，所以為免麻煩，用多個幾鐘時間去呢個葡萄牙啦~~~
精美早餐.
朝早食完呢個早餐之後，我哋就出發，呀~~點知落到去個停車場，用個Remote開門無反應，咁就弊家火啦，未夠6點鐘我諗個負責人都未?醒啦，但係如果最後都攪唔到嘅，都要叫醒個負責人喇。原來地下停車場個度門要係前面先有反應，反而地面個度門係地下到都接收到訊息。
攪下攪下都要成6點幾先出發，向葡萄牙出發啦~~~一路行都幾順利，其實一路行咗好耐都未知過咗境未，都行咗差不多成兩個幾鐘個時，都係時候去放一放水，順便入埋油。入完油又繼續行，其實都唔知幾時入咗去葡萄牙嘅，不過睇D路牌嘅指示開始有D唔同就知道已經進入咗葡萄牙。個GPS預測我哋要用成差不多6個鐘先會到達葡萄牙嘅住宿，但係我哋都係用咗差不多5個鐘就到，因為D路嘅速度完全係同GPS入面嘅資料有唔同，係行快咗嘅，所以就快咗到。
入下油先，側邊睇重靚仔
不過來到葡萄牙，去住宿其中一條路好似改咗道，重有兩個警察企咗係到，有D人好似俾佢哋抄緊牌。GPS指示個條路係要左轉，但係其實係唔可以左轉，之後就係呢到兜咗一個圈先搵到條路去我哋住個間住宿。我哋住呢一間住宿其實就係黃色電車站隔離，而呢條路係一條掘頭路來，所以係住宿出面條路泊滿晒車。我初初都覺得呢一條路係可以免費泊車嘅，到我哋走個一日我見到泊係呢一條街嘅車都好安全。
到咗但係未係時間Checkin，不過其實我哋一早Email 咗佢問可唔可以泊架車入去停車場先，然後再Checkin，佢哋話無問題，重俾咗一堆 Code 我哋，有停車場Lift用架啦，大門用架啦，同埋我哋住個一間房嘅Code。開頭入個Code 去停車場部 Lift 到無反應，咁啱係 Reception 到又有個人係到，咪問下佢囉，佢話個Code啱嘅，不過部Lift就行得比較慢，叫我哋要等一等，咁我就順便問一問可唔可以Checkin呢?佢就話要1500之後先得，其實都無所謂嘅，我哋泊低咗架車就會出去睇嘢同食嘢。之後我就出返去，再入過個Code，部Lift終於開咗門啦。呢部Lift又係啱啱好入到部車，不過又要好小心咁揸入去，呢個西葡之旅簡直就係駕車技術大改進課程。佢哋安排咗我哋泊係地下2樓，落到有4個位係到，不過就無車係到，我哋就求其泊一個。之後，就上返去借個廁所一用，因為我哋都揸咗成差不多兩個幾鐘嘅車程。
攪掂就出去搵食，來到葡萄牙又要將手錶嘅鐘教慢一個鐘，咁就差不多12點喇。
一入到D大城市例必塞車
Apartment入面部Lift 都幾型
B1/F有個活動室，住客可以係呢到吹水打枱波
外型成間工廠咁
呢到就係黃色電車嘅站
Such a long duration of driving.
回覆刪除睇返其實呢個西葡自駕都幾多揸長程嘅時間，因為西班牙真係幾大
刪除係囉，日日都揸好耐啵～不過你enjoy就得啦 :D
刪除呢個都唔係最耐嘅，試過係土耳其由未天光揸到天黑...揸咗差不多成九個鐘 )
刪除其實你所到的地方都有火車直達，你有沒有後悔駕車呢？
回覆刪除又無喎...因為我都幾享受揸車...嘻嘻...
刪除