Day 15 Prague
之後我哋就去返尋日去過個商場到食Lunch，今日我哋就食呢個Running Sushi嘅任食，佢其實係有兩條迴轉軌，分上下格，上面個D就係熱食，下面個D就係冷食~~查實D嘢食嘅款式就唔係好多，食幾食就無咩嘢揀喇，不過我哋就食到好飽~~
食完嘢我哋就去舊城區個邊到睇嘢，我哋首先去咗有捷克香謝麗舍大道嘅地方到睇下，不過就無嘢啱我哋睇。記起有網友話呢到附近唱錢個Rate高D同埋唔收手續費，於是就行去換啦，其實都幾遠下，個Rate又唔見得特別高，不過就真係無收手續費嘅，但係其實我哋係舊城區有幾間都係寫住唔收手續費嘅。
換完錢，我哋就去咗火藥塔同埋市民會館到睇下，個火藥塔我哋重上埋去睇添，係上面可以睇晒成個舊城區~~我哋一上到去就想影下相，點知個職員就唔俾我哋影，咁 我哋就俾錢上個塔到睇下啦，上面其實都幾正，睇晒個舊城區，如果好天就更加正啦~~落到來我哋又影相，今次就無唔俾我哋贏，可能俾咗錢呱。個市民會館我哋都係係外面影相，影完相就去埋Havelska Market 到睇下嘢。呢個Havelska Market有好記念品買，重有嘢食買，我哋買咗少少嘢之後就返去酒店喇。返酒店途中途經一間叫 Sex Museum 嘅店舖，係門口到放咗一張櫈，話座落去就會測試到你對性嘅熱衷程度喎，呢張櫈都幾多人玩~~我哋當然又玩埋一返啦。玩完我哋就返去酒店，臨返酒店前，我哋就去Metro到買多兩張24 Hour Travel Pass聽日用。今晚我哋嘅晚餐又係食福字麵加蛋，因為唔想攞返香港嗎!!今日我哋都行咗幾多路下，好攰，有得腳底按摩就好啦，其實係Charles Bridge附近有間泰式按摩店架，不過就好貴囉，腳底按摩1個鐘要四百幾蚊港幣~~~~重有日半就返香港啦…
Hi ! A piece of tiramisu in a sushi shop ?
回覆刪除[版主回覆12/15/2012 09:12:33]係呀...好嘢呀..係Tiramisu來架，咁都俾你睇到，佢都有幾款甜品架
吓？去食sushi？如果去番鬼佬國家，唐餐同亞洲嘢係我最unlikely會揀嚟食嘅嘢。
回覆刪除[版主回覆12/30/2012 01:18:23]但係個到嘅西餐我哋又唔係幾啱喎..係無得選擇下咪食下唐餐囉，重要有好多中國餐館添架..