2012 捷克、奧地利、匈牙利自駕之旅 (22) - Day 12 Budapest > Vienna > Brno (Ceska republika)

Day 12 Budapest > Vienna
> Brno
(Ceska republika)

 

今日我哋都係咁早起身，因為我哋會去個中央市場到睇下，個市場就話會0600就開始營業~~食咗個福字麵早餐之後，差不多7點就出發去個中央市場。我哋就搭Metro去個中央市場，順便睇下個站係咪真係封咗。哦~~原來係其中一個入口封咗，咁啱又無指示牌係到，其實原來大部份嘅地下隧道都係Metro嘅入口。由我哋住個間Apartment去呢個中央市場只係搭一個站，所以好快就去到啦。

我哋去到呢個中央市場，有好多舖頭都係未開，開咗嘅只係有D買肉食嘅舖頭，而二樓嘅舖頭就大部份都無開，只有 一兩 間嘅食店開咗~~二樓主要係買D記念品，所以可能成10點之後先會開都唔定。我哋係入面行咗一個Round，影下相就走人，之後就搭Metro返返去Apartment Checkout 走人啦~~

今日天氣都唔係幾好，落雨兼幾凍下~~由布達佩斯去返捷克Brno要成4個幾鐘，我諗起碼都要成5個鐘先會到。GPS原先要經過Slovaka去Brno，但係因為係網上面搵過D資料，係Slovaka入面揸車都係要俾Toll Fee，搵過D資料，睇落好似幾複雜，價錢雖然唔係好貴，不過費時煩，所以就決定經 Vienna 去 Brno !!

因為重有D匈牙利貨幣用淨，所以就用來入油，首先入滿，到差不多入返 Austria 個時又再入多次，不過最後都有用淨。入到奧地利又係係臨走前又去入多次油，因為我哋係捷克唱錢個Rate 唔靚仔，所以係奧地利入會抵D。不停咁揸咗成幾個鐘，係臨由奧地利進入捷克前，我哋去咗個廁所，個時都差不多12點幾，如果我哋家下唔食嘢呢，就會好遲先食到嘢啦~~因為唔知附近有無嘢食，同埋我哋諗住去咗住宿嘅Apartment到Checkin咗先，所以我哋就係車到食個包當Lunch喇。去到Brno嘅住宿個時都成兩點幾，應該係Checkin嘅時候，但係噤極個門鐘都無人應，先前係網上面都有人有呢個評語，就係搵唔到個館主，要打電話先搵到佢。咁我哋又無電話，四圍又無舖頭又無人喎，有個地盤係到有人開緊工，不過費時行埋去喇~~