2012 捷克、奧地利、匈牙利自駕之旅 (18) - Day 10 (3 Nov 2012) Vienna > Budapest (Hungary)

Day 10 Vienna
> Budapest ( Hungary ) 3 Nov 2012

 

今日我哋就晨早就要出發，因為今日嘅行程係要由Vienna去Budapest，車程要成3個幾鐘，我哋無係呢一間酒店到食早餐，因為要另外加錢，同埋覺得呢一間酒店唔好，所以我哋就食咗係KV買咗蛋卷加果汁做早餐。因為架車就泊咗係 P+R 個到，所以我哋就首先 Checkout咗先，然後就有一個人係大堂到睇住D行李，另一個人就去 P+R 到攞返架車，然後返酒店到攞埋行李就出發。由酒店搭車去 P+R 大約用咗20分鐘到，都幾快，架車泊咗19個鐘差不多20個鐘，但係都係EUR$3，真係抵泊，如果泊係酒店就要俾EUR$9。之後就揸車返酒店喇，然後就出發去Budapest。係進入Budapest前就入下油先，諗住一路行一路入會搵到D重平D嘅，點知行無耐就上咗高速公路，係歐洲入油，高速公路嘅油站通常都係貴過普通個D油站嘅，不過最後到係要係高速公路上面入添。

我哋一路行見到油站就駛入去，主要係想問下有無得買 Hungary 嘅 Toll Sticker ，因為係Hungary 揸車又係要買 Toll Sticker (雖然我哋一路都無俾人Check過)，我哋去到第2個油站先有得買。Hungary嘅Toll Sticker係用 E-Toll Sticker嘅，所以基本上買咗就唔洗貼係架車到嘅。買完我哋就繼續向Budapest進發，一路行到非常暢順，重要有一段路出太陽好熱添呀，由Austria揸車過Hungary 又係無關卡嘅，都係直行直過嘅…知道過咗境嘅識別就係油站D油嘅價錢唔同咗~~

入到去Hungary一路行都出太陽，重熱到去12度添呀，但係去到差不多接近Hungary個時就突然跌咗5度，重要好大霧添，得返7~8度咋，入到去Budapest都係咁大霧，重要係天陰陰咁幾凍下，去到住宿個間Apartment都重未有得Checkin，但係就可以泊架車入去佢哋個Garage入面，呢一間Apartment，我哋Book個時泊車係免費架，之後我哋想改變行程想留多一日係Budapest，再搵呢一間個時佢泊車都已經係要收費啦，所以最後我哋都係無改到個行程嘅。呢一間Apartment個Garage係係地庫到嘅，要搭Lift先至可以泊到車。

泊低架車我哋就出去睇下嘢，順便搵個地方食個Lunch先，呢間Apartment附近原來有個幾大個商場，入面有Supermarket同埋Food Court，重要有得Money Exchange添。我哋係商場入面唱咗D錢，之後就搭Metro去睇下嘢，係Hungary又係有D Travel Pass 買嘅，本來係有48-hour 嘅Pass，不過唔知幾時取消咗，所以我哋就要買72-hour嘅Pass。Budapest嘅地鐵其實都幾舊下，好似話係計英國之後，第二個最舊嘅地下鐵路喎，我哋買嘅Pass係可以任搭呢一間公司嘅交通工具嘅。

首先，我哋就去咗個聖史蒂芬大教堂 (Szent Istvan Bazilika)，順便搵埋嘢食，點知呢到附近係無嘢食嘅~~入去間教堂到參觀，點知要收錢，教堂來講都叫做少有，感覺唔係太好，不過我哋都有俾錢每位HUF$20入到去睇下同埋影下相，我哋見都有D人見到要收錢即刻係掉頭走人~~~

行完教堂，我哋就繼續係附近行下啦，行下行下我哋見到有間Subway，再行前D又有嘢幾間食店，不過最後我哋都係揀咗Subway。
簡單早餐

去攞車

我哋尋晚就係呢到食晚餐啦

酒店附近嘅Metro

搭車中..係維也納其實都見都有好多黃種人

停車場收費機

布達佩斯Toll E-Ticket

買Toll E-Ticket嘅油站

布達佩斯嘅Apartment

Checkin中

酒店附近嘅商場

布達佩斯Metro

話時話都幾舊

又係叫聖史蒂芬大教堂 (Szent Istvan Bazilika)

Lunch