Day 11 Budapest 4 Nov 2012
睇完呢個之後，我哋就搭返巴士落返去，咁啱就有班車，我哋即刻跑上車，之後就係市中心附近落車，然後搭Metro去英雄廣場到睇嘢。呢個廣場都幾大，附近重有個溫泉，我哋係個廣場到影下相，然後就行過去個溫泉到。我哋係無諗住試個溫泉，不過我哋都有行入去睇，唔記得睇下佢要幾多錢添。行過見到一間間好似診所咁樣嘅房，入面有張床，好似幫人做 Spa 咁樣，睇完我哋就走人~~不過就人有三急，點都要幫襯下D收費廁所喇~~
之後我哋有去返我哋住個Apartment附近個個商場嘅Food Court到食Lunch，左揀右揀都係揀返尋日食過個間，其實係呢個Food Court到都重有一間食中式嘢，不過個間中式D嘢比較貴，但係款式就多好多…
食完嘢，我哋就返去Apartment到休息下先，Hae咗差不多成兩個鐘，又再出去睇下呢個國會大廈。呢個國會大廈，如果要入去就要Join Tour，不過我哋睇過下D內容無咩興趣，所以就入內參觀，只係係出面影下相就算。我哋去到個時，呢個國會大廈又係裝修緊，歐洲D建築物都幾興係10月底同11月呢個時間去裝修個喎，唔知係唔係呢段時間係淡季來嘅呢 ? 重有個天色就無咁好啦~~都係陰陰暗暗咁 !!
睇完我哋就去猶太人區到行下，如果要睇D猶太人D嘢，就要買套票，基本上佢包咗5個地方，但係就分散晒係呢個區域入面。主要係睇下D猶太人點樣俾人迫害~~其實我哋唔係佢哋個種族，真係好難想像到佢哋又幾慘~~所以我哋都係係外圍到睇下就算咋~~然後，我哋就去埋個火車東站到睇下~~
布達佩斯基本上我哋要睇嘅嘢都睇晒啦，之後我哋就返去Apartment附近個間Supermarket到買D嘢，預備今晚嘅晚餐 ! 聽日我哋臨走前會去一去呢個中央市場，因為今日係全日唔開，聽日佢就會開喇。睇完就會離開匈牙利返返去捷克，但係我哋要途經維也納去捷克，因為如果由匈牙利直接去捷克通常都係會經過Slovakia，而係Slovakia 揸車又係要買 Toll Ticket ，搵過下資料都唔係好平，又費時麻煩，所以都係途經維也納好D~~
Hello ! Sunny day(s) at last ! What 's the food in the last photo ?
回覆刪除[版主回覆12/05/2012 20:44:28]係呀...都有日好天....
個Ｄ係類似酸菜咁嘅嘢，係用來陪豬扒嘅..都幾好食..