Day 13 Brno > Kutna Hora > Telc
今日我哋5點幾就起身，之後就整早餐食，食完大概67點幾，我哋就Hae咗一陣先出發。係出發前就去搵館主結帳先，個館主今朝結帳個時少收咗EUR$10，即係只係收咗EUR$35，可能係因為個廚房去水同埋風筒有問題所以就收少D錢以作補償啦~~不過佢尋晚都話會收平D嘅…
我哋大約8點幾就出發去Kutna Hora到睇呢個人骨教堂，其實係Brno有一個乾屍教堂，最勁個時放咗成百幾具乾屍係入面，家下只係淨返二十幾具到，不過唔係個個人都係可以將D過世嘅人放入去，要係D有名譽、有地位嘅人先至可以放入去架。有D網友話睇完好震撼，感覺重勁過入骨教堂。就係因為驚震撼得濟，所以呢~~我哋就無去睇架!!
好~~出發去 Kutna Hora ，由 Brno 去 Kutna Hora 要成差不多3個鐘，原先其實係想聽日先去嘅，今日就直接去 Telc 到，不過見好似有好多時間淨，而附近又無咩特別嘢睇(其實係有嘅，係Brno附近有個城鎮，有個鐘乳石洞可以去睇嘅，不過鐘乳石洞，我哋睇咗好多啦，所以就無興趣去睇啦)，所以就改變行程，今日去睇咗呢個人骨教堂先，咁聽日就會直接去布拉格啦~~
我哋8點幾出發，去到 Kutna Hora 就差不多11 點到，首先我哋當然係搵位泊架車先啦，係人骨教堂附近有好多位置可以泊，係免費嘅，我哋就泊正係門口。一落車，嘩~~好凍喎 !!
因為我哋打算去睇埋個聖芭芭拉大教堂，所以就買咗一張3合1聯票，呢張聯票重包埋一個列入咗世界文化遺產嘅教堂，包 Kostnice Sedlee Ossuary、Cathedral of Our Lady 同埋 St. Barbara Cathedral，呢張飛就要 130Kc。
我哋第一個景點就係睇入骨教堂，入面其實唔係好大，不過就話有成幾萬個人嘅人骨係入面，入到去其實我就無咩特別感覺，因為我當佢係藝術品咁睇，不過創作出來嘅人都真係幾勁，可以用人骨做出咁嘅擺設。重有其實整入骨教堂呢個人都幾好，因為其實呢D入骨基本上係唔知唔知生前係咩人，重要好多都係暴露係土地上面，日曬雨淋咁架，佢就係因為見到咁，所以就將呢D人骨放入去教堂到~~
係教堂入面影下相睇下，好快就睇完。
之後我哋就去咗附近嘅聖母瑪利亞教堂，呢個教堂都係列入咗世界文化遺產裡面，查實呢個教堂就無咩特別，可能係我哋唔識睇呱，重有睇返D 資料，原來係呢個教堂嘅地白先前發掘咗好多具教士嘅遺體，重有就係呢個教堂係重建過嘅，重有就係呢個教堂嘅建築風格又保留了18世紀早期巴羅克風格。
簡單早餐
今日個天色都可以
人骨教堂入口
人骨教堂
Hi ! The 入骨教堂 is so ! Was there any smell inside ? Also, from the photo ,I don't see other people visiting.
回覆刪除[版主回覆12/08/2012 22:18:36]入面無咩味~~我哋去到睇嘅時候得一個人係到睇緊，之後到我哋睇完就有一大班入入去睇啦..