2012 捷克、奧地利、匈牙利自駕之旅 (23) - Day 12 Budapest > Vienna > Brno (Ceska republika)

Day 12 Budapest > Vienna
> Brno
(Ceska republika)

 

咁我哋就唯有出去兜下個市中心睇下有咩睇，同埋睇下有無食店有無超市買下嘢咁喇~~我哋兜咗去個市中心，好難搵位泊~~想泊街邊D錶位但係又無晒位喎~~最後，我哋都係返返去個Apartment到睇下個館主係唔係到，咁好彩佢又係到喎，於是我哋就可以Checkin啦。Checkin完，我哋順便問下附近有無食店同超市，重有市中心泊車方唔方便，定係要搭車出去會好D咁嘅問題~~原來搭Tram出去就20kc 一個人，而車票只係有15分鐘有效期，25kc呢就可以1個鐘內有效，而館主又講泊車又唔係好貴，所以最後我哋都係揸車出去。呢一次，我哋就用咗GPS入面嘅Function搵個停車場，呀..呢一次GPS又幾醒，指咗我哋去一個露天停車場。呢個停車場係分時段收費，0~5分鐘係免費，重有就係5-10、10-30同埋30-60，咁我哋就泊咗差不多60分鐘，就收咗30kc，又唔係好貴~~

泊好車，我哋就係市中心到行下，呢個Brno主要嘅景點就係市中心同埋火車站個邊，咁我哋淨係諗住睇呢個市中心就算數啦，景點都係個D教堂同埋噴水池~~呢個市中心其實都幾多舖頭，我哋又行咗幾間超市，睇下有無嘢買，不過食點就唔多，有McDonald同埋KFC，不過KFC D餐都幾貴下~~最後我哋就去咗住宿附近嘅一間大超市到買嘢，諗住自己整晚餐，我哋買咗雞翼、青瓜~~

返到Apartment開始整嘢食個時發覺個廚房洗水盤係塞咗嘅，於是就叫館主來攪啦，但係佢同佢男朋友攪咗好耐都未攪好喎，之後重叫多個朋友來幫手都係攪唔掂。最後，我就提意佢俾幾個桶我放係個盤下面載水，因為真係唔知佢哋會攪到幾時，我哋又要整嘢食，咁攪法會攪到好夜架嗎~~

食完嘢，我哋就Hae咗一陣就沖涼啦，點知發覺佢哋個風筒又係壞嘅，成個手柄係濃咗架，可能先前有人開得太耐攪到燒咗都唔定，我哋當然係要話俾佢知啦，唔係當我哋整壞就唔好啦…

沖完涼就休息下啦，點知呢一間房嘅Wifi又收得好差下喎，攪到成日都連唔到線~~重有就係會聽到D重低音，可以附近有D Pub 或者餐廳之類嘅店舖都唔定，不過唔留心嘅就唔會聽到嘅~~