Passionspielhaus (耶穌受難劇場) > Kloster Ettal (
圖艾塔修道院
) > Schloss Nymphenburg (寧芬宮) > Odeonsplatz (奧迪安廣場) > Theatiner-Kirche (特亞提納教堂) > Feldherrnhalle (將軍紀念殿堂) > LetoMotel (Munich)
食完呢個味嘅 Handmade 早餐之後，再 Hae 下我哋就要出發向Munich 方向出發。而今日係北上之前我哋就會去係呢一區嘅景點，首先我哋會去Schloss Linderhof (林德霍夫宮)。由民宿去呢一個景點大約一個鐘到就會到，係網上面搵最快嘅路段就係會經過奧地利再入返德國，所以大家要小心係個GPS入面揀返唔過境嘅個Function，如果唔係就俾人罰錢架啦，不過如果你架車係有登記又無問題嘅。去到呢個過個Schloss Linderhof (林德霍夫宮)時係需要俾停車場錢嘅，一入就要俾架啦，盛惠EUR$2.5啦。
泊好咗架車，又去換飛啦，係呀~~~張14 Days Pass 又係包呢個景點架，呢一張Pass真係好抵 !! 但係個受票處又話唔洗俾飛我哋，就咁用張Pass就可以入去喎。之後就睇埋個導賞嘅時間，係~~又係要導賞架~~~離個導賞嘅時間重有一段時間，咁我哋就係呢個皇宮外圍到睇嘢同影相啦~~~不過由個受票處行入去呢個皇宮都有成20~30分鐘路程架~~~行入去途經一個湖，個到有隻天鵝係到，大家都同佢影相喎，不過佢呢好鬼死惡架..會咬人架...
呢個皇宮其實唔係好大，但係有個噴水池同後花園都好靚~~~不過想係呢到影張無人嘅相都幾難，因為不停咁有人出現架~~到咗個導賞時間入去個時，唔知點解入唔到去喎。跟住有個職員又叫我哋出返去受票處到攪，嘩~~大佬，差不多開個喎，家下先叫出去攪，況且係受票處話唔洗個喎~~~出去又話唔洗咪又嘥時間走來走去，當然係要同佢哋理論下啦，之後個職員叫咗個高級D嘅人來，佢睇一睇張Pass就叫個職員開閘俾我哋入啦...
呢個皇宮其實唔洗十五分鐘就睇完，又係唔俾影相。不過入面就同嚇蓮基姆湖宮就唔同，同埋佢係路得維二世唯一一個完成嘅皇宮。入面嘅裝潢非常之話麗，可以用金碧輝煌來形容都得~~但係就真係好細~~~好快睇完，再係出面影下相就出發去另外附近嘅
Pilatushaus ( 皮拉圖斯濕壁畫舍) 。
係行出去個時我哋又同隻天鵝玩~~~
駛到去呢個景點就會要經過呢個收費亭
準備換飛，之後又話我哋張Pass唔洗個喎
要行一段路先可以到皇宮
有天鵝係到喎..
皇宮唔係好大，但係外型好華麗
有一個長嘅水池
放咗好多唔同嘅雕塑係到
噴水池噴水時好靚架...
有D花園仔係皇宮隔離
呢到望上去好似可以行上去，不過我哋無行
呢到應該係廚房，無帶我哋參觀過
同天鵝溝通緊
餵天鵝食草...不過佢唔食
Hi ! The 噴水池 & 後花園 is beautiful and full of European style. The swan is very big ? !
回覆刪除[版主回覆06/04/2012 19:41:07]可以話係典型歐洲式嘅住宅...個隻天鵝真係好大隻，梗係唔敢掂佢啦~~鵝會咬人架..