Landhotel Guglhupf (Schwangau,Fussen)
睇完呢個阿爾卑斯湖，都到咗差不多成五點幾六點，又係時間要去民宿喇。呢一間酒店係呢一個旅程入面最貴個間，不過我哋一致認為物有所值...去到入去個Reception 唔見人喎，重要有隻狗狗看門口喎。我就入咗去睇下，周圍行下~~行行下就見到個館住喇，係周圍行嘅期間睇過下呢間民宿，裡面放咗好多擺設，好靚，D傢俬又靚喎~~好鬼Elegant...分配好房間就周圍睇下各團友D房，今次我哋有優先揀房權，團友們話我哋安排整個行程辛苦，所以就俾我哋揀，唔洗玩抽籤~~
嘻嘻~~我哋揀咗住係二樓一間最大間個間房~~其實有兩間係二樓，有兩間係地下。睇過晒D房都好企理同埋靚，之後就出去搵嘢食啦。搵食前我哋又去超市入貨~~~
我哋周圍揸睇下有無邊到有得食，去到一個地方有幾間，團友們就落車去睇下喇。我就睇住架車，因為停係路邊唔係幾好，所以就泊入一間屋對出嘅空位。點知過無耐有個外國人行埋來我哋架車到，拍個車窗，開頭大家都以前係叫我哋唔好泊架車係佢屋前面，叫我哋走喎。原來佢係出來話我哋知，呢個位影過去天鵝堡好靚架，佢幫我哋影張相，嘩~~嚇得伐我哋呀。外國人真係好熱情~~佢幫我哋影完相，我哋重將係香港帶去嘅椰子餅送俾佢食添呀~~~哈哈~~~散貨~~
之後就搵咗間餐廳，有個無敵天鵝堡View，一路食一路睇住~~嘻嘻~~我哋其實講嘢都幾大聲，周不時都俾D外國人望住~~真係有點兒唔好意思，但係又講得慶起，好難控制嘅呢~~呢一間餐廳D嘢食都幾好味，D嘢一上枱又係好快就俾我哋掃晒，一班人一齊去旅行就係食嘢個時搶嘢食，好鬼開心~~~食完D嘢我哋繼續係到吹水~~吹吹下個餐廳負責人又走來問下我哋D嘢食得唔得呀~~來德國睇D咩~~~~
呢一餐差不多食到九點先走人，之後返到去又民宿。之後就去咗其中一個團友間房到食頭先係超市買嘅生果同埋白酒送肉條小食...正...
民宿出面就有停車場...
D房都幾大
重要有個廳添架...
廁所好大間又乾淨
重要有LCD TV，唔好笑，歐洲好多都重係用緊D舊款電視
有露台
我哋個間個View就望馬路，另外一間就望住個山..
民宿入面個樣
呢個就係Reception啦...
食早餐地方
有好多精緻嘅擺設
佢就係民宿嘅狗狗喇...
民宿外型到幾靚
夏天可以係呢到BBQ，其實都幾正...
地下D房個樣...
超市濕平中...
我哋就係呢一間餐廳都開餐啦...
可以遠望天鵝堡
有一班單車友經過
飲返杯啤酒....
美食上枱...
餐廳負責人
餐廳負責人
你幫啲團友打格仔都打得好徹底喎，連個身都見唔到。點解間民宿好似你哋住晒咁嘅？
回覆刪除[版主回覆06/02/2012 19:02:03]嘻嘻~~梗係，一係唔打一打就打晒...係囉，個次都唔見有其他人架...我哋好似包場咁....
個民宿好似自己屋企咁,好舒服!...我要考試了得閒才再欣賞...睇少少先!
回覆刪除[版主回覆06/03/2012 08:19:05]係呀~~重好靚添呀~~~好...考試努力Ｄ呀，不過唔好咁緊張
Hi ! What kind of vegetables were on top of the spaghetti ?
回覆刪除Is there a verandah in each room ? I like it !
[版主回覆06/04/2012 19:35:53]個Ｄ應該係香草來嘅...不過我都唔記得係咩味，但係應該唔難食...如果唔係我會記低...基本上二樓個兩間到有，地下個兩間都可以話有個花園仔囉，呢一間我都好鍾意呀，真係好靚
一度食景，一度食野，好正呀！
回覆刪除八月份去係咪好熱呀？
[版主回覆06/09/2012 11:05:45]又唔係喎....夜晚有Ｄ涼添呀~~~