2010 土耳其自駕之旅 (24) Day 3 - Bergama Akropolis (衛城)

2010 土耳其自駕之旅 

 

Day 3 23/10/2010
Day 3

 

Bergama Akropolis (衛城)(Bergama)

Çanakkale > Truva Arkeolojik Kenti (特洛伊遺跡)(Truva)
> Lunch@Edremit > Bergama > Bergama Akropolis (衛城)(Bergama) > Kizil Avlu (紅色教堂) >
Izmir > Residence Comfort Izmir @ Izmir


                                                  

貝爾加馬曾經是一個顯赫一時的希臘系王國，首都貝爾加馬與埃及的亞歷山大齊名，是愛琴海邊的文化、商業和醫藥中心，足以和南邊的以弗所（Efesus）分庭抗禮。而其遺址就位於今天的Bergama小鎮，主要遺址有衛城（Acropolis）、醫療神殿（Asclepion）和紅色教堂（Red Basilica）。Acropolis位於小鎮的北側約2公里的山頂，盤山小路很窄。門票已漲到了20TL，現今遺址內能夠辨別出來的主建築也只有劇場了，圖拉真神殿（The Sanctuary
of Trajan）和圖書館如圓明園般僅存幾個圓柱，而其他的遺跡已經幾乎只有矮牆和碎石堆了。 劇場現也已破敗，殘垣斷壁阻擋著遊客近距離接近劇場，但從那陡峭的斜坡和依稀尚存的觀眾席，依舊可以想像千年之前萬人彙聚的熱鬧場面。

                                                  



幾經艱苦終於都到咗我哋要去嘅目的地Bergama Akropolis ，本來諗住最多3點幾就會到呢到，可以入去參觀下。去到呢個衛城，見都有個纜車站，先前係網上面同埋D旅遊書仔都無講過會有呢一樣上山嘅方法，我先前睇到嘅係可以揸車上去睇架。不過呢到又無咩指示點樣可以揸架車上去個衛城到。

我哋到咗呢個纜車站個時都差不多成五點啦，再去問下纜車站嘅職員呢一架纜車係咪去Bergama Akropolis就決定搭上去，但係呢~~~個衛城就七點鐘就收工。我哋估計應該係唔夠時間去仔細欣賞，因為呢一個衛城古蹟有成5km咁大面積，成個山頭俾佢霸咗咁，要睇晒起碼都要成兩、三個鐘先至睇完，如果大家有時間就真係要去睇睇喇，因為呢一個衛城真係好大。重有就係收成TL$20一個人入場費，睇個少少嘢就走唔係好抵~~咁我哋決定唔夠時間當然唔好睇啦。所以最後只係搭纜車上去睇下附近嘅環境，搭纜車要收TL$12一個人，其實都幾貴。

嘻嘻，原先無諗到會有搭纜車呢個節目，家下當係新加插節目啦。上到去，想睇下個衛城係幾點先收工，我哋都重未死心想入去睇，問題係驚睇睇下俾人困咗係入面出唔返來，重要係我哋無揸車上來，纜車收埋工咁我哋就大煲啦。今日已經玩咗半日Rally架啦，唔想又再出現第二個深刻嘅印象呀。

我哋行到去個衛城入口附近，有個牌係到，但係個牌有寫幾點開工，收工時間係無寫嘅。但係應該都係七點前就收工，因為架纜車到係七點就收工。我哋行去佢門口影下相，睇下嘢。睇下D記念品，之後就走人~~~~

睇完搭纜車落返來，其實都係5分鐘到就落到來架啦。準備去攞車個時，無神神有條友仔走埋來話要收停車場錢，嘩~~我泊係路邊咋喎，咁又要收，好明顯係地區保安員啦。係人哋國家費時節外生枝，都係要俾佢，盛惠TL$2啦~~~
Bergama 衛城 

行上去呢個衛城入口，我諗都要成五至十分鐘~~ 

其實係入口處附近都有好多遺跡可以睇到 

Bergama Akropolis 纜車站，好新下 

其實個車程到幾短下架，五分鐘到到頂 

衛城入口 

有開始時間，但係無收工時間~~~ 

附近有D買記念品嘅地方 

山頂一睹附近環境...段我估計係我