今日係 Hae 嘅行程嘅開始，因為基本上想睇嘅景點已經睇晒，而今日主要係去睇動物園，因為入面有得睇 Tasmania Devil ，呢隻 Devil 其實唔係咩好恐怖嘅動物，點解會叫佢做 Devil 呢。係因為佢D叫聲好恐怖，令人聽到覺得毛骨悚然，所以就叫佢做 Devil 啦。而係呢個動物園入面重會有餵呢一隻 Devil 嘅節目睇嘅，佢哋爭嘢食個時會打交同埋發出個D恐怖嘅叫聲架...
我哋未夠九點就出發，由住宿個個地方出發，亞GPS話要差不多一個鐘先會到，而係網上面搵過資料話佢哋餵Devil嘅時間只係得11:00、13:00同埋15:00，我哋要係11:00前就要到，所以就遇多D時間去。
到咗亞 GPS 所指定嘅地點，但係就見唔到有個 Wildlife Park係附近喎，咁即係又老點啦.....咁唯有繼續向前行啦，行行下見到有個 Wildlife Park 嘅牌，於是乎就跟個牌個方向行去睇下啦。行行下就見到有個寫住41度嘅三文魚場嘅牌喎，睇資料係要過埋呢個三文魚場再過埋個 The Honey Farm 先會到個 Park，所以我哋又繼續向前行喇。好在方向無錯，最後我哋都搵到呢個 Wildlife Park。
我哋入都去呢個Park個時好似啱啱開門咁樣，入面得我哋我個人，因為當時只係10:00咋，所以都幾早下~~~我哋係入面睇下D動物，有Wombat D 鴨，又有D好似火雞嘅動物，又有小型嘅袋鼠有 Tasmania Devil、鷹、樹熊......我哋係到睇D工作人員係到餵D動物，有隻(唔記得佢叫咩名)，係咁跟住個工作人員，成日跟出跟入，非常黏身。不過呢個動物園就成地都係屎囉，真係幾 Wildlife 下~~~睇睇下呢個動物園其實真係有D似強國入面早期個D撥埋一堆動物園咁，如果真係要睇我諗唔洗20分鐘就睇完~~不過呢個Park嘅入場費就用作保護D野生動物同埋研究用嘅，咁又無咩所謂...
等到差不多11點，就有一對疑似香港人嘅男女出現，之後重有一家外國人家庭出現。如果真係要睇呢個動物園，基本上10:50到都無問題，唔洗咁早到~~~
首先佢哋就介紹D Wombat ，有一隻叫 Mickey 都好大隻下，個導賞員解釋 Wombat 嘅生活習慣同埋習性，之後每人都可以同隻 Wombat 又親密嘅接觸，就係抱下佢喇。其實佢都幾重下，但係一抱住佢呢，佢就會攬實你唔開，同埋佢係唔郁架...
睇完呢個就到我哋來呢個Park個目的，就係睇 Tasmania Devil 喇，個
導賞員會順便餵埋佢哋，佢放咗D動物肉入去引開一隻成年嘅Devil之後，就抱咗一隻細嘅Devil出來，隻 Devil D 毛都幾滑，但係就好惡，個
導賞員其實佢都有D驚，因為俾佢咬親都唔少嘢 !! 之後就去到一個最多 Devil 嘅位置到，先前我哋無嘢做都行過來呢到睇過下，佢哋成日係到打交架...打交個時就係到鬼剎咁噪，D叫聲都幾凄厲....
個
導賞員 又掉一舊動物肉入去，嘩~~成班 Devil 就咁係到搶，其實過程都幾核突架..我哋企係到俾太陽晒住其實都幾熱下，個
導賞員 同樣又係講下D Devil 嘅習性同生活習慣，又講佢哋開始
因為受到一種細菌嘅感染 ，面臨絕種~~~之後我哋企企下都頂唔順，見都睇完喇，我哋就走人~~~
之後就去咗附近嘅 The Honey Farm 到睇嘢同買嘢，呢到其實主要係買D 蜜蜂嘅產品，入面重有得試食添。入面有唔同口味嘅蜜糖，重有D護膚品，都唔錯，我哋重食咗個 Ice Cream..最後重買咗D嘢先走人~~
然後我哋就順道去埋個 41度三文魚場都睇下，呢到重要種埋人參添呀~~~去到個職員就俾咗D三文魚我哋試食，其實味道無咩特別，本來想行下呢個場，但係個職員話要收費先至可以入場，咁我哋當然係唔行喇。見都成點鐘啦，我哋就食埋自製嘅三文治先去第二個景點~~
見時間尚早，我哋就去一個叫 Tasmazia 嘅地方，呢個其實係一個迷宮，但係我哋主要係去睇下佢個個薰衣草田。去到都係未開，應該未係時候呱，如果開咗成塊田咁都幾靚架 !!
之後我哋就直接去今晚住宿嘅地方喇，今晚係住係Somrest，係Burnie 隔離，今晚間住宿係無得煮嘢食嘅，開頭重以為有嘅添~~所以我哋就要出去開餐啦，但係今晚就有 Wifi 用囉~~到咗住宿安置好晒D嘢之後，我哋就出去搵食啦。睇過下超市，有得買雞食，重有間北京酒邏添~~我哋見到佢貼咗張Menu係門口附近，以為8蚊碟，又幾抵喎 !! 後來先知原來係Lunch價錢來架，晚餐要成十幾二十蚊一個架 !! 最後我哋都係食 McDonald，但係都要成差不多$16埋單架，其實都幾貴~~~之後就返去休息啦...
沒有留言:
發佈留言
來到留返句說話先走啦...