2011 德國自駕之旅 (35)(Day 7)(17/8/2011)

Pension Gregory (Konigssee) > Gardmisch Partarkirchen (G.P.) > Zuspitzbahn >
Gardmisch Partarkirchen (G.P.)  > Hotel Atlas Sport (Gardmisch Partarkirchen)

好，我哋睇上完高峰就要去酒店啦..由呢個車站去酒店都係十幾分鐘路程，第一次經過咗間酒店要掉返頭先可以去到~~入到去酒店基本上係可以周圍泊車嘅，不過個時其實都泊咗唔少車係酒店範圍內，例牌動作就係要去Checkin 啦。

今次間間房都幾大間下，重間間都有露台，不過其實對我哋來講係無咩用嘅，重有就係呢間酒店係有免費Wifi嘅。整好晒D嘢就去睇下其他團友D房喇，都幾Okay喎~~~之後就出去搵食啦，出到去個市個到，有好多畫畫咗係D屋身上面，都幾靚。我哋周圍行咗一個圈，都係D Pizza 同埋意粉嘅食店多，最後都係 Target 咗係 Pizzahut ，係~~~無錯係 PizzaHut 。不過後來有團友話係附近見到有間食越南嘢嘅，大家一齊舉腳贊成去食。去到座低睇個Menu，嘩~~都有唔少嘢食，不過到叫嘅時候~~原來好多都係無嘅...真係....空歡喜一場添。

最後我哋就淨係叫D炒粉麵飯食喇，嘩~~唔知係唔係大家好耐無食過呢D
炒粉麵飯食，大家食嘢嘅速度可以話係好快，一碟放上枱一陣就比我哋KO晒~~~大家都食都唔係好夠喉，於是就攞咗包福字麵出來放落碗湯麵入面加料~~正呀~~~呢個時間D福字麵真係好好食嘅呢...其實大家只係分得個一兩啖架咋~~之後都係唔係好夠喉，再入去叫佢哋炒多兩碟嘢出來先至可以平息到我哋呢一班餓鬼咋。

之前將架車泊咗係街錶位，又係唔洗俾錢，因為過咗18:00呀嗎~~之後因為攞福麵直情將架車駛到間餐廳到!!食完嘢個天都黑晒喇~~其實個時都差不多成夜晚九點幾啦，今日又係玩到好盡下~~~之後就返去酒店休息啦...

間酒店外型都幾靚仔架..

入面D裝潢都靚架..

Checkin中....

D房幾企理..

有埋露台添..

其中一位團友間房..

市中心D屋外牆有畫畫咗上去幾特別..

天色已佔沉..

其實入面都有唔少食店..

開餐啦，呢一碗湯麵，少得可憐，但係又好好食喎，後來我哋加咗個福麵落去..

炒飯..正

加入福麵嘅湯麵..

就係呢間西貢市啦.....

返到酒店要休息啦...夜晚開晒燈都幾靚..