今日見尋日個天氣預報話後日會落雨，所以就將行程改咗，今日會去 Cradle Mountain行下山，由Tamar Valley去呢個 Cradle Mountain要成兩個幾鐘先到，我哋就九點幾出發，去到都要成11點幾先到。住宿個邊起身個時個天好多雲，諗住今日成日都可能係呢D天陰陰嘅天氣添，點知去到Sheffield 附近就開始見到藍天同白雲，到揸車上到去Cradle Mountain 嘅時候，就更加好天，真係正 !!
去到 Cradle Mountain我哋入咗去個Visitor Centre 到問下D資料，個職員話如果揸車入去公園個 Quota 滿咗就唔可以揸車入到去近 Dave Lake 附近泊車，要搭D Shuttle Bus 入去。好在我哋去到個時重可以揸車入去，咁D時間就有彈性D，如果唔係就要係Visitor Centre 或者係另外一個 Car Park 個到搭 Shuttle Bus入來架啦~~~
我哋大約11點就開始行，不過行之前就要去登記返你D資料，保障返你自己~~~今日天氣真係非常之好，所以個搖籃山同個鴿子湖就特別靚 !! 我哋用咗成兩個鐘去行完呢個
鴿子湖，中間其實都無咩點停過，係咁易影下相咁囉~~我哋行個邊開頭個前半段其實都幾容易行，但係臨返到停車場個一段路又上斜條路有唔平，都幾難行下同埋比較辛苦 !!
行完都差不多成 13:30 喇，可以去附近個動物園或者溶洞，因為15:00動物園可以睇餵Tasmania Devil ，而溶洞就每逢搭正就會有導賞團出發。最後我哋揀咗去溶洞，呢到有兩個溶洞，一個係有水流，而另外一個就係乾嘅~~~我哋就揀咗個係有水流嘅溶洞，呢個溶洞入面其實都幾凍下，蠶行一段路就會熄返先前行咗嘅路段嘅燈光，話要保持佢入面嘅原有生態 !! 而呢個溶洞係唔可以隨便影相，只可以係指定嘅地方先至可以影~~~
一入去就睇到有一個閃爍嘅溶柱群，之後個導賞員就一路行一路講解每一個位置嘅溶柱嘅形成，去到最後就會見到有螢火蟲同埋蜘蛛，不過D螢火蟲就無係紐西蘭睇個D咁壯觀啦~~~來睇有水流嘅溶洞嘅其中一個目的就係想睇螢火蟲啦...要有水流個D先會有，乾個D係無架...
之後就去今晚嘅住宿到啦，今晚係住係 Devonport ，但係會途經 Sheffueld ，就睇下搵唔搵到陳奕迅畫個幅畫啦，最後我哋係搵唔到架~~~去到今晚住宿個個 Reception ，吓~~~無人嘅，咁點算呀 ? 只係有個電話號碼係到咋 !! 於是我就走對面馬路間店舖諗住叫佢幫手打個電話俾個個電話個人，點知佢話個 Reception 係無人架，叫我哋駛入去入面先係住嘅地方~~~
駛到入去就見到有個人係到，同佢講Checkin佢就好似上打電話咁款，正當我哋等緊嘅時候，又有架車駛入來喎，我重問佢係咪想Checkin添，因為我以為佢都係住客，原來佢哋係呢到嘅負責人，重要係識得講廣東話添~~~
之後就俾咗間房我哋，都幾大間下，設備又係好齊全下，但係就幾舊下囉，重要就係本來又係有Internet，不過又係因為話Upgarde，所以無得用。只可以係Reception個到先用到~~~咁我哋就係Reception到Check下Email，同埋間航空公司最新情況。不過個館主都有同我哋講個問題應該會解決，咩問題?咪就係 Qatar 罷工事件囉，我哋就係搭呢一間架嗎~~~
整好晒D嘢，我哋就出去Supermarket 到入貨，準備今晚嘅晚餐啦~~~呢都有兩間幾大嘅超市，買完嘢就返去Motel到整來食。今晚係雞脾加粟米湯，同埋腸仔意大利粉，D雞脾好鬼難熟，要返煮兩次先得~~其餘都OK喇~~食完就休息啦，因為今日行咗好耐山呀...
沒有留言:
發佈留言
來到留返句說話先走啦...