食完嘢我哋就等下個班齒軌列車啦，到差不多時間就可以入去喇。我哋選擇咗搭齒軌列車去到 Eibsee 站，然後再搭Eibsee Seilbahn 上去2966尺嘅楚格峰，因為呢一個係最快嘅途徑上去楚格峰嘅!
入到去車站梗係去到影下相先啦，但係又想影下出面，又唔知佢幾時開車，攪到團友們好忙咁上上落落~~
搭呢一程齒軌列車都要差不多20先去個Eibsee站，然後就要係Eibsee到轉搭吊車上去。由架齒軌列車行去架吊車個到都要有行一段差不多5分鐘嘅路，入到去呢個吊車站又要等下先。之前講過可以由另外一個站搭上山頂應該就係呢個位Eibsee站，家下諗返其實應該可以揸車來呢到都得(有停車場)，不過D班次好似唔係咁密就真~~~重有如果有時間的話，可以由呢個站到行去睇個 Eibsee 個湖都得架，不過要排隊攞籌搭車去個 Eibsee 湖...
好啦，等到我哋搭吊車啦，上去個斜度幾勁下，個個幾興奮~~哈哈，其實都有D似香港嘅昂平360咁樣。行行下又會見到個 Eibsee 湖，又幾靚喎，如果有時間真係建議去行返一個圈睇下D湖光山色~~
上到去楚格峰，又唔係想像中咁凍喎，之前叫D團友準備定D外套添~~~其實呢個山頂都唔係好大，可以好快就睇完。呢個楚格峰係橫跨咗德國同埋奧地利兩國，呢到重有吊車可以落去奧地利添架 ! 開頭重有諗住會有D冰川睇下，但係呢，楚格峰上面又唔係好多積雪喎，不過好在就係天氣幾好，雲層都唔係好厚~~~
係呢個楚格峰上面有間餐廳，我哋去到個時好多人座咗係到飲啤酒食下D腸仔咁，重有就係
楚格峰上面重有間郵局可以俾你寄D明信片~~
係呢到重有一個位，係要爬上去先睇到，不過睇落去都幾危險。我哋有位團友又想爬喎，當然係俾人阻止咗啦~~~之後行下行下就開始覺得有D凍凍哋啦，都係要著返件外套先得!我哋玩到差不多最後一班吊車先走，有團友重玩到唔知去咗邊，幾經艱苦先搵返佢哋呀~~
原先我哋諗住搭返上來嘅途徑落返去Garmisch個車站，但係原來要攞籌等個喎，嘩~~一攞籌要等成個鐘先到我哋，咁啱另外一個途徑又開車又有位喎，還掂未搭過個邊，咁我哋就由另外一邊去返Garmisch車站啦。
呢一邊就會全程座呢個齒軌列車去返Garmisch，嘩~~呢一程都座幾耐下~~網上面話要座75分鐘，我哋就唔係好知，因為大家都係車入面瞓咗覺~~~落到去Garmisch車站都差不多成七點鐘，今晚住個間酒店就係 Garmisch 區入面，應該十幾分鐘車程就會到...
齒軌列車
齒軌列車站點
其實同架普通電車無咩分別
到咗Eibsee站，要落車啦..
呢一段路仔都幾難行下，又碎石又斜斜哋
Eibsee吊車站
等車中...
Eibsee 湖
其實都幾斜下
到站啦
齒軌
呢一對鞋應該係舊時登山D人著嘅...
阿爾卑斯山峰
睇下我...著短衫架
上呢個十字架要爬一段山架
呢到好多人係到食同飲嘢架...
有好多烏鴉係到，佢哋都幾勁，可以飛到咁高
就係要爬呢一段梯啦...
餐廳同郵局
到有D冰係到架...
睇下D外國人幾嘆
呢一邊係奧地利嘅...
排隊搭車走人
都有幾個站喎，不過我瞓著咗唔知有無停過呢幾個站呢?!
返到Eibsee站啦
終於落到Garmisch站啦，要咗75分鐘
好...走人啦...拜拜，德國第一高ｆｕｎｇ
沒有留言:
發佈留言
來到留返句說話先走啦...