2011 德國自駕之旅 (28)(Day 5)(15/8/2011)

Nurnberg > Augsburg > Munich > B&B Hotel München Nord(Munich) 

Augsburg:市政廳與黃金廳 (Rathaus und Goldener
Saal)、Rathaus市政廳、莫札特故居 (Mozarthaus)、市政廳廣場（Rathaus Platz)、Perlachturm佩爾拉赫塔、奧古斯都大帝噴泉

睇完呢個皇帝堡，我哋就離開Nurnberg去Augsburg喇，車程要成兩個幾鐘，一路行都係天陰陰咁。去到Augsburg就去咗市中心附近，又要周圍兜下睇下邊到有位泊車。我哋都係泊咗係街邊到，跟住見好多車都無飛就泊係到我哋當然又係學啦。之後就行去個市政廳廣場（Rathaus Platz)個到睇下嘢喇，我哋行到去呢重出太陽添呀~~真係正~~跟住就去咗個市政廳與黃金廳 (Rathaus und Goldener Saal) 正，呢個要收入場費個喎。不過入面有個免費廁所，係唔洗收錢嘅 !方便完我哋就去個黃金廳到參觀喇，呢個黃金廳都幾靚，入面金碧輝煌咁，如果真係黃金就勁喇。係呢個廳入面重有個內廳，係放咗其他國家送俾德國嘅嘢~~睇完我哋就出返去個
市政廳廣場到影下相啦。睇下呢樣睇下個樣原來到差不多兩點，但係我哋呢重未食Lunch個喎。咁我哋就係附近都睇下有咩嘢食啦，不過好多舖頭都閂咗門，唔通今日係公眾假期，所以泊車都唔洗俾錢~~搵搵下見到有間食意粉嘅都幾唔理咁多啦，費時周圍搵晒時間。我哋叫咗幾個雪糕同埋兩個意粉食同埋Pizza，D雪糕都幾好味，因為我哋行到幾熱下，所以就更加好味啦。其實呢個Augsburg都幾多食店，不過好多都無開咋 ! 食完嘢我哋就去埋莫札特故居 (Mozarthaus)，不過我哋無入去睇，只係係門口到影下相就算~~不過佢都好似無開門 !睇完我哋就驅車去Munich，要揸個幾鍾車先到~~  

泊車唔洗俾錢

黃金廳 

市政廳廣場 

黃金廳  

金光閃閃多美麗...  

呢塊鏡都幾好玩黃金廳 

黃金廳入面一間房收藏咗一D貢品  

市政廳 

Perlachturm佩爾拉赫塔 

奧古斯都大帝噴泉 

食返個Lunch先...雪糕好味

莫札特故居 (Mozarthaus)