2011 德國自駕之旅 (29)(Day 5)(15/8/2011)

Nurnberg > Augsburg > Munich > B&B Hotel München Nord(Munich)Munich : Residenz und Schatzkammer der Residenz 王宮博物館與寶物宮、Hofbrauhaus皇家啤酒屋

我哋係 Augsburg 睇完嘢就離開啦，車程大約用咗個幾鐘就到咗 Munich 啦。今次行條路應該係行咗 Freeway (即係無時速限制嘅道路)，我哋最快都係行到160km/h，但係呢其實我哋都係行得唔係好快架咋，因為係快線個D車架架好似火箭咁行得好快架 !! 全程都幾好揸，無咩特別嘢。

我哋大約四點半到就到咗酒店，去到間酒店點解好似閂咗門嘅，呢間酒店有埋個私人停車場都幾好。咁見到閂咗門就去睇下啦，諗諗下有可能係今日係公眾假期都唔定，所以D員工休息都唔定~~佢哋將一張紙貼咗係門口，有埋我個名同埋Book咗幾多間房。攪咗一輪，原來係要自己Checkin，要用 Credit Card~~噢 ! 咪蝕底咗係匯率到囉，不過都無計。所以就要Checkin 啦，每一間房都會 Print 一張紙出來，張紙有埋大門同房嘅密碼，又幾方便喎。今次呢一間酒店間間房都一樣，完部都係住係2樓都幾好。

整好晒D嘢我哋就諗住出去睇下D景點，咁就去
 Residenz und Schatzkammer der Residenz 王宮博物館與寶物宮 到睇下先啦。呢個位置泊車要落去停車場，但係呢我哋就見到個
寶物宮  閂咗門喎，之後就去問下附近D人又無人知喎。咁就行去間嘢到問下人，嘩~話要裝修喎，原來要休館6個星期。咁我哋就去睇下個
王宮博物館 喇，點知原來5點鐘就無得買飛入場喎。無嘢睇就去搵食啦，我哋就去附近嘅
Hofbrauhaus皇家啤酒屋 到。去到呢個位置，泊車要等位，但係就唔洗俾錢喎。等咗一排，搵到個幾間個
Hofbrauhaus皇家啤酒屋嘅位喎，真係正! 行入去條街到都幾多人下，咁我哋當然係要影下相先啦。嘩~~入到去Hofbrauhaus皇家啤酒屋 重多人，周圍都座滿晒人，呢一到要自己搵位座，好唔容易先搵到張可以座8個人嘅枱咋。來到呢間
Hofbrauhaus皇家啤酒屋 當然係要飲啤酒食豬手啦，重叫咗D 慕尼黑腸仔、
紐結麵包同埋烤雞食，不過D豬手就無晒炆個隻，聽聞幾好食個喎。D豬手同埋烤雞都幾好食，慕尼黑腸仔就一般啦，可能份量少呱。而D啤酒呢，就有D似青島啤喎，即係淡。係呢到食嘢個氣氛都幾好個喎，有樂隊係到不停演奏個喎，好有氣氛架 !!

食完嘢就出去影下相啦，有團友唔知係唔係心擴體胖，條褲中間爆咗軚~~~之後我哋就返酒店，返到酒店就搵下附近有咩早餐食，本來諗住食McDonlad(就係間酒店附近)，但係佢要10點先開始營業，最後我哋都係揀返係酒店到食喇。之後就係房到整理下今日D相同埋睇下聽日嘅行程安排啦。

Hofbrauhaus皇家啤酒屋

飲勝

要合巹交杯呢.....

德國咸豬手，呢一款係燒嘅

慕尼黑腸仔，好味但係份量少

烤德國腸，D配菜好味

烤雞

呢個叫紐結麵包，唔...一個硬嘅咸麵包囉

D豬手真係幾好味，睇我骨都食埋就知啦...

人山人海...

有Liveband現場演奏

小鳥要抖氣