2011 德國自駕之旅 (26)(Day 4)(14/8/2011)

Wurzburg > Rothenburg > Nurnberg > B&B Hotel Nürnberg-City(Nurnberg)
Nurnberg :

聖羅倫茲教堂 St. Lorenz Kirche、Frauenkirche聖母教堂、Schöner Brunnen美麗噴泉、聖塞巴德斯教堂St. Sebaldus Kirche、Hauptmarkt市集廣場 - 聖誕市場
係 Rothenburg睇完D景點就驅車前往 Nurnberg，車程要個幾鐘，途中都幾大雨下，重要有幾段個能見度都幾低下添呀。去到Nurnberg首先係去酒店Checkin先，我哋基本上係玩抽籤嘅，今次我哋又抽到間細房。其實瞓就無咩問題嘅，不過係放個喼個時比較難放D啫 ! 呢間酒店都幾新淨又幾企理喎，係呢幾日來講最正個間。

之後就出去搵下睇下邊到有嘢食啦，無神神又去咗睇市中心附近D景點喎，睇到差不多成八點幾九點去食Dinner。今晚我哋食咗一間土耳其式嘅餐廳，呢間餐廳係係去酒店嘅途中見到，先前就去過睇過下咁，點嘢食個樣都Okay。最重要係有飯食，因為有團友要食飯。D嘢食真係幾好味，D嘢食一上枱一陣就俾我哋掃晒，個老板重要送咗D甜品俾我哋食，嘩~~土耳其甜品，甜到亞媽都唔認得個喎 ! 我就去咗攞車無試過，團友們試完紛紛都話甜到頂唔緊~~重打包攞埋俾我食，我緊係話唔試啦....

之後我哋就去睇下皇帝堡聽日會唔會唔開呢 ? 如果唔開我哋就直落去 Augsburg，因為先前係市中心睇嘢個時見到皇帝堡好似裝修緊，但係去到問人又無人知道聽日開唔開喎~~~混吉~~返到酒店成10點幾，嘩~~即係就要沖涼瞓覺啦....今日玩到好盡~~



好在去到 Nurnberg 無雨落

已經係七點幾八點都重咁光

聖羅倫茲教堂 St. Lorenz Kirche 1250年

Frauenkirche聖母教堂 1352年

Schöner Brunnen美麗噴泉

聖塞巴德斯教堂St. Sebaldus Kirche 1215年

Hauptmarkt市集廣場 - 聖誕市場

土耳其茶..其實都幾好味架...

呢一款茄子幾好食架，我個次去土耳其成日都點來食

薯仔雞脾飯...一般啦..

呢個唔知咩飯，但係都ok架..

甜品，呢個自己叫來食，係我介紹嘅，個次係土耳其食過幾好味..