斯德哥爾摩 Stockholm > HK Route Route to HK
Circle K(Eurostop Arlanda)入油 還車
租車公司位置
Avis Biluthyrning Stockholm Arlanda flygplats
Arlanda Flygplats, Hyrbilscenter, Vingvagen 4, 190 60 Arlanda, 瑞典 59.638191, 17.939553
今日無咩特別行程，朝早將D剩餘物資煮晒來食，都幾豐富。因為時間唔係好多，所以就係酒店到Hea到10點先走人。不過係還車前就要去入一入油，我哋其實都預早咗D時間，因為要去機場到搞退稅。係網上面搵到D資料，係瑞典、丹麥同埋挪威買到嘅嘢都可以係斯德哥爾摩嘅機場到做退稅。網上面講退稅首先就要去Checkin咗攞咗張Boarding Pass先，然後有兩間嘅退稅公司有Global Blue同埋Premier Tax Free。網上面講兩間嘅退稅步驟都大致一樣，唔洗去海關到蓋印，直接去呢兩間公司佢就會幫你辦理，不過係未做呢個退稅步驟前，唔好寄件行李先，因為佢係會睇你件貨嘅~~~
退完稅，我哋就去寄行李，呢個機場寄行李係自助嘅，又係去返先前Print Boarding Pass 部機到揀寄行李佢就會Print張Tag 俾你自己貼，我哋求其貼上去就算，後來諗諗下，我哋全部貼晒落個喼到，應該有一張仔係自己Keep嘅~~~之後磅行李都係要個職員確認先寄到，因為我哋兩件行李都好重~~~我哋嘅Lunch就係誠實豆沙包加果汁，之後就入去等上機啦~~~呢一程機食完嘢之後就瞓咗幾個鐘，返到香港朝早7點幾，都幾早~~~攞行李好快，半個鐘唔洗就搞掂，唔係廉航真係快好多~~~~
呢個北歐之旅成個行程有好大部份時間天氣都唔係幾好，所以D景點好多都唔係好靚，如果有藍天白雪一定好正，挪威呢個地方D風景真係幾靚，有機會再去多一次，不過再去我哋就要睇極光~~~
福麵大雜燴
還車了
呢到要自助Checkin
之後要退稅，所以就淨係Print張Boarding Pass出來
退完稅，就寄行李
是日午餐
入到去買咗D糖食
飛機餐
港珠澳大橋
行李好快就攞到
沒有留言:
發佈留言
來到留返句說話先走啦...