~~~活在當夏~~~: 2017 北歐自駕之旅Day 14 10/11/2017 Friday 歷史的見證瓦薩沉船博物館

2017/12/17

2017 北歐自駕之旅Day 14 10/11/2017 Friday 歷史的見證瓦薩沉船博物館

斯德哥爾摩 Stockholm 市內遊

Villa Årsta > 斯堪森露天博物館 Skansen Open-air Museum > Cirkus 音樂廳 (到此一遊無入去) > Gröna Lund (到此一遊休息) > ABBA The Museum (到此一遊無入去) > 北歐博物館 Nordiska museet(到此一遊無入去) > 瓦薩沉船博物館 Vasamuseet > Lusthusportens park (路過) > Gallerian 去搵食Lunch地方途經 > Lunch@Pong Asian Restaurant (Buffet) > 瑞典議會 Riksdagshuset > 斯德哥爾摩大教堂 Storkyrkan > 諾貝爾博物館 Nobelmuseet > 斯德哥爾摩王宮 Kungliga slotted > 騎士島教堂 Riddarholmskyrkan > 斯德哥爾摩市政廳 Stockholms stadshus > 斯德哥爾摩地鐵藝術廊 > 賽格爾廣場 Sergels torg > Åhléns City > Hötorgshallen

今日就繼續係斯德哥爾摩市內遊啦，朝早食完自製早餐就搭車去呢個動物園島到睇嘢。由酒店附近嘅Årstaberg站搭去呢個Stockholm City，然後就行去呢個Stockholm Kungsträdgården搭地面嘅電車去呢個Skansen站就得。其實我哋第一站就諗住去呢個斯堪森博物館 Skansen，不過係網上面見到有人話要行晒呢個斯堪森博物館 Skansen都要成大半日先行完，加上今日嘅天氣又唔係幾好喎，我哋就決定唔去呢個斯堪森博物館 Skansen先。

咁我哋就沿路行返出去附近嘅景點都睇下，不過好多都無開又或者要明年先至會開，所以都無咩嘢睇~~~我哋最後係會去呢個瓦薩沉船博物館 Vasamuseet到參觀嘅，途經呢個北歐博物館 Nordiska museet就係出面到影張相就算。

呢個瓦薩沉船博物館其實係將一首沉咗嘅船放咗係入面，記錄咗當時造船嘅資料。不過首船就只可以遠觀，唔可以俾你入去睇。呢個景點其實都幾多人來睇，重要係有唔同國籍嘅人添呀。

想知道呢個沉船博物館係展示D咩，可以Click入去睇下瓦薩博物館 - Vasamuseet

睇完呢個我哋就搭車去返市中心到搵地方食Lunch，用咗Google Map 搵下附近有無All you can eat，顯示有一、兩間，咁我哋就揀間近嘅。呢一間All you can eat係泰式嘅叫做Pong Asian Restaurant，每位係SEK$100，其實都幾抵，所以都好多本地人來食。不過，係外國飲嘢就係唔包嘅。呢間餐廳嘅嘢食都OK，因為團友好掛住D飯，都食咗唔少。

食完我哋就去呢個舊城區入面主要有斯德哥爾摩大教堂、諾貝爾博物館、瑞典議會 Riksdagshuset、斯德哥爾摩王宮同埋斯德哥爾摩的舊城區。我哋食嘢個到都幾近呢個舊城區，我哋行入去影下相，睇下D建築物嘅外表，除咗教堂唔收入場費之外，其餘嘅都會收。睇完舊城區，我哋就睇埋係隔離嘅騎士島教堂。之後就沿路去睇呢個斯德哥爾摩市政廳 Stockholms stadshus，呢個斯德哥爾摩市政廳 Stockholms stadshus入面有個藍廳好出名，就係諾貝爾扮獎典禮舉辦嘅地方。係呢個市政廳入面有一間商店，原來就係入去藍廳嘅入口，我哋開頭以為係入面參觀呢個市政廳嘅嘢，所以無入到去。

搵唔到藍廳，我哋就去搭地鐵睇地鐵嘅藝術廊。呢個地鐵嘅藝術廊較有特色的站幾乎都係T10和T11線，所以我哋就搭T11條線睇咗幾個站就走人搭返車去Stockholm City個站到去超市到買D嘢煮晚餐食。

聽日我哋就繼續去動物園島到睇埋個斯堪森博物館 Skansen，行程都接近尾聲啦….

住:

Villa Årsta Tel.: +46 8 447 42 00

Svärdlångsvägen 44-46 120 60 Årsta Sweden

GPS: N 059° 17.989, E 18° 1.902 59.299822813903, 18.0316919088364

福麵早餐