拉達爾公路隧道(Laerdalstunnelen) > 途經海姆瑟達爾 Hemsedal > 霍爾門科倫滑雪跳台Holmenkollen > Alex sushi 到此一遊 > 超市買嘢食
今日我哋會返返去Oslo，車程都要成差不多5個鐘，所以今日我哋都係要早出發嘅。朝早起身，喵星人應該重瞓緊覺，但係一聽到聲就行埋來，佢其實都幾黐人。咁我見成晚佢都係到，又無飲過水又無屙尿，咁我就開門睇下佢走唔走，佢就行咗出去，但係又行返入來，咁我就閂返門。再過一陣，我又係再開門俾佢，我同佢講你要返屋企架啦，呀~~~佢唔知係唔係識聽，又行咗出去，之後就走咗。見佢一出去就轉咗灣落咗下面，重以為佢真係呢到嘅人養添，再過一陣我又開門睇下，見到佢向住另外一邊嘅住宅行緊過去，唔通佢係住係個到嘅?!
之後我哋就食早餐，然後就出發~~~去Oslo其實個GPS唔係話行呢個拉達爾公路隧道(Laerdalstunnelen)，不過我唔跟佢指示行咗呢條拉達爾公路隧道(Laerdalstunnelen)。其實由Flam去Oslo，有3條路可以行，其中兩條係會經拉達爾公路隧道(Laerdalstunnelen)。個GPS就係指示行一條唔經拉達爾公路隧道(Laerdalstunnelen)嘅~~~其實呢幾條路D景都幾靚(我係Google Map到睇過)，行完呢個拉達爾公路隧道(Laerdalstunnelen)，我哋就跟GPS行，呢一段路應該係上咗山，上到山上面重落雪，又見到彩虹，不過出面嘅溫度係零下幾度。呢一段其實都幾靚，所以我哋都停咗幾次影相，中途入咗次油，呢個北歐之旅基本上每一日都要入次油咁濟，因為D路程真係幾遠下。
返到去Oslo，我哋會去呢個Oslo‧霍爾門科倫滑雪跳台Holmenkollen睇下先，呢個Oslo‧霍爾門科倫滑雪跳台Holmenkollen係網上面嘅介紹係咁
舉世聞名的霍爾門科倫滑雪跳台已今非昔比；自 1892 年起，跳台滑雪錦標賽都在這裡舉辦，而奧斯陸的最高點紀錄也徹底刷新 19 次。目前此處擁有世界上唯一的鋼鐵滑雪跳台，重 100 噸，高 64 公尺。滑雪季從十二月一路延續到三月底，在沒有雪的時節，至少還有跳台滑雪模擬器。鄰近的滑雪博物館 (Ski Museum) 建於 1923 年，是全球最早成立的滑雪博物館。該博物館門票不但可以讓您攀登到跳台頂端，更別提能盡覽全市美不勝收的景致。
入面其實重有一個博物館，不過我哋就無入到去睇。之後就去Apartment到Checkin，我哋又係住返之前幾日住個個一間Saga Apartment Oslo。去到又有得Checkin，不過呢一次換咗兩次房，因為有一間個廚房有漏水，另一間廁所入面個洗手器又爛咗。
搞掂晒D嘢我哋就出去搵食，今次就食Subway，其實同其餘嘅幾間快餐差不多價錢，不過Subway嘅麵包好味D~~食完我哋就去周圍行下，係網上面睇到有人介紹一間叫Alex Sushi話好好食，咁我哋就去睇下呢一間Alex Sushi個位置，去到見到個餐牌都幾貴下，同埋唔係好多種類嘅嘢叫，行行又見到有一間壽司店，價錢可以接受，咁我哋就諗住今晚過來呢一間到食喇~~~
之後就行返去住宿個一邊嘅超市到買返D嘢，見到佢哋有青口買，重要係一袋都係NOR$70到，真係好抵，又見到又三文魚喎，所以我哋就決定今晚自己整來食。
返到去又Hea咗一陣就整晚餐，有牛油青口(不過我哋睇來買錯牛油，個一件唔知咩來)、三文魚刺生重有北歐好興嘅肉球，重有買咗一罐啤酒飲，係Somersby 嘅Apple Cider 嘅 Sparkling Rose，又幾好飲喎，不過呢一罐嘢都幾貴，差不多成NOR$50。
聽日就去睇埋Oslo其他嘅景點喇~~~
Oslo‧霍爾門科倫滑雪跳台Holmenkollen (GPS : 59.965578, 10.666426)
住:
Saga Apartments Oslo Tel.: +47 22 55 44 90
Holmboes gate 8 Frogner 0357 Oslo Norway
GPS: N 059° 55.483, E 10° 43.218 59.9247215090882, 10.7202976110451
Before you arrive at the property, pick up your keys from: Saga Hotel Oslo, Eilert Sundts Gate 39, 0259 Oslo
GPS: 59.922809, 10.720361
自製早餐福麵腸仔煎蛋加炸菜
重有煙三文魚
今日天氣無尋日咁好
月亮都重係到
全長有24.5km嘅隧道
呢一段路上咗山到行
出面溫度不停下降
又見到彩虹
去到負五度
去到近Oslo市時好大霧
霍爾門科倫滑雪跳台Holmenkollen
Sago Apartment Oslo
是日Lunch係Subway到食
Oslo市
Oslo市泊街都幾貴
Alex Sushi網上面有人推介，不過我哋最後都無試到
三文魚刺生有好多款
呢一件唔知咩來，係超市成日見到
海鮮好抵買
啤酒就好貴
去超市買到嘅嘢
呢一隻味幾好飲，可惜香港無得買
是日晚餐
呢到都係70蚊港幣到咋
肉丸
三文魚刺生，但係唔係好肥美
西班牙林柿
沒有留言:
發佈留言
來到留返句說話先走啦...