Oslo > Göteborg > Trädgårdsföreningen 公園(路過) > Lunch@Subway > Saluhallen
Stora Saluhallen 翻新街市
Göteborg市內遊 > Shopping@Super Dry > Lidl 買晚餐 & 早餐
今日我哋就會離開呢個挪威返去瑞典個邊，朝早食完個自家製早餐後就出發去油站到買呢個AdBlue 先。去到個油站，真係有得買呢個AdBlue ，有三個size，分別係 1.5L, 5L 同埋10L，價錢由NOR$110~NOR$190未計稅。我買咗10L個個裝，因為部車顯示最少入5L最多入10L，咁我入返10L應該OK，不過我諗我攞車個時應該最多係行多5000km就要入。好在網上面有講呢一款車點入，如果唔係都唔知邊一個位入D AdBlue，開頭未搵時我重以為會係車頭到入添~~~入完就顯示可以行9000km，終於都搞掂呢個問題啦~~~去到哥德堡大概12點幾，咁就搵個錶位停一停上去 Apartment到睇下入唔入都去先，Apartment到全部都係用密碼就入到去，果然係入唔到去。
咁我哋就去市中心到食咗個Lunch先，再順便睇下附近有無停車場~~~我哋去咗 Subway 到食，呢一間無係 Oslo 個一間咁好食，不過都好食過McDonald。食完就去遊客中心問下有無D平停車場，個職員都唔知，不過佢講咗一個老蓮咁遠嘅話個個平~~之後就去攞車，因為我哋只係入咗一個鐘(nor$30)。揸架車去另外一個咪錶場Hedens Parkeringsplats ，呢到嘅收費係08:00 to 22:00 17 SEK / hour 22:00-08:00 2 SEK / hour，咁又唔係貴喎，距離Apartment都叫近。之後就去咗另外一個室內停車場，見到有 Avis 租車公司就入去問下D職員邊到有平嘅停車場泊車，佢哋都唔知，不過就建議我哋泊係呢一個室內停車場，但係佢哋就話唔知咩價錢。於是，我哋就去遊客中心提議個個平停車場，嘩~~~真係好遠，唔得!!又返去個個室內停車場，入到去準備入閘，見到個收費係 NOR$500/24 hours，嘩~~~NOR$500接受唔到，我哋即刻倒車出返來，好在後面無車咋，最後我哋就停咗係Hedens Parkeringsplats個咪錶場。泊好車都重未夠3點，所以我哋就去行下街先。
係呢個停車場對面河，有個應該係街市嘅地方，入面有嘢食又有嘢買，都幾特別，之後我哋又行返去個市中心。呢到成日都見到有SuperDry，我哋就入咗去睇~~嘩~~呢一間SuperDry有成兩層，好多唔同嘅款，非常特別，不過價錢就唔係平，同香港差不多~~不過D 款香港係無得買，團友都係呢到買咗件褸重有得退稅添呀，我就無收穫~~~
行行下就過咗3點，可以返去車到攞埋D行李上去Apartment 到啦。呢間Apartment其實都幾特別，佢呢一揀大廈應該係商業嘅，不過佢係係頂樓到做咗Apartment，架Lift好舊，好似D 5、60年代個D Lift 咁樣，可惜嘅係呢一揀大廈外圍做緊維持，睇相佢嘅外表都幾靚架 !!
間 Apartment 都幾大，入面嘅裝設都幾特別~~~放好咗D嘢休息咗一陣就去附近到睇下有無嘢食，見到有一間係泰式BBQ自助餐，但係我哋上到去一個人都無，唔係好穩陣，所以我哋最後就去咗超市到買嘢自己整~~~重買埋聽朝嘅早餐~~~
今晚我哋又係食牛扒加生果，食完又係到Hea下休息下~~~聽日就返去斯德哥爾摩，車程都幾長~~都要成差不多5個鐘。
Parking at
Hedens Parkeringsplats
Parkgatan 35, 411 38 Göteborg, 瑞典
57.702399, 11.976404
08:00 to 22:00 17 SEK / hour 22:00-08:00 2 SEK / hour.
住:
Avenue A1 Tel.: +46 70 417 40 82
Kungsportsavenyn 1 Centrum 41136 Gothenburg Sweden
GPS: N 057° 42.103, E 11° 58.356 57.7017223808233, 11.9725978374481
肉丸腸仔福麵早餐
終於都買到AdBlue
入完可以行9000km
Lunch@Subway
咪錶場Hedens Parkeringsplats
Saluhallen Stora Saluhallen 翻新街市
入面都幾多嘢買
呢D一粒粒嘅唔知咩來
有收穫，不過唔係我嘅
突然有人係到快閃表演
免費廁所
Avenue A1外面裝修緊
大堂
呢一架Lift好細架
Apartment
Apartment入面裝飾都幾靚
雪櫃好大
戰車泊咗係呢個咪錶場
是日晚餐
沒有留言:
發佈留言
來到留返句說話先走啦...