2013 墾丁‧台南‧高雄自駕之旅 (8) 24.3.2013

2013 墾丁‧台南‧高雄自駕之旅

 

Day 2 24.3.2013 星期日

 

伯利恆 ® 龍磐草原(龍磐公園) ® 風吹沙 ® 茶山吊橋 ® 佳落水 ® 九棚 ® 港仔大沙漠 ® 牡丹大橋 ® 石門古戰場 ® 四重溪 ® 恆春古城 (東門、南門、西門、北門) ® 出火特別景觀區 ® 小杜包子 ® 關山日落 ® 出火特別景觀區 ® 墾丁夜市 ® 伯利恆

 

睇完我哋就去返出火個到玩煙花同埋燒爆米花，個爆米花頭先經過恆春入面一間超市到買嘅~~去到呢個出火嘅地方嘅時候，都已經天黑晒，啱晒玩煙花~~先前係網上面睇到有人講話要帶電筒去，因為好黑無光咩到睇唔到，不過我哋去嘅時候發覺已經裝咗D路燈係到照住D路~~

入到去已經有好多人係到玩緊，我哋就搵返個位影下相，燒下爆米花~~個爆米花最後燒濃咗一D，因為我哋掛住係到影相，不過個爆米花都唔係咁好食，因為係咸味嘅，我哋係香港食慣甜味架嗎~~食完嘢就用D仙女棒玩下 Light Painting 啦，開頭幾支都唔夠時間寫唔到，好在最後都寫到~~係呢個出火又見到有好多香港人係到，佢哋玩煙花玩得好開心，但係其實對周邊嘅人會構成D危險~~可能香港無得玩呱，所以佢哋都玩得好開心~~

玩完我哋又去墾丁大街到掃街，架車就泊係社頂公園個到，今晚明顯係少咗好多人，所以應該係星期六會多人好多，同埋有D檔口都無開到~~今日我哋就試下呢個吳師傅滷味…味道都Ok，唔錯~~我哋叫咗幾樣嘢，埋單就係 NT$120~~都幾抵~~掃完街就返去休息

好多人哦

燒返個爆米花先

顧住影相，燒濃咗添

玩下Light Painting

又去墾丁大街到掃街

食返隻烤魷魚先

又嘢睇

吳師傅滷味

木瓜絲