2013 墾丁‧台南‧高雄自駕之旅 (11) 26.3.2013

2013 墾丁‧台南‧高雄自駕之旅

 

Day 4 26.3.2013 星期二

 

伯利恆 ® 高雄 ® 旗津 ® 風車公園 ® 旗津旗後炮台 ® 旗津高雄燈塔 ® Lunch@旗津 ® 星空隧道 ® 85大樓 ® 大遠百 ® 高雄誠品書店 ® 太平洋SOGO ® 捷運美麗島站光之穹頂 ® 六合夜市 ® 85大樓水格印象

 

今日我哋係會返返去高雄個邊，食完個早餐就返房到執埋D行李準備走人，今日食早餐嘅人重少，不過D食物都係源源不絕咁供應出來，都幾好，雖然唔係咩特別嘢食，但係都幾好呀~~

我哋大約0930係出發離開墾丁，車程都係兩個鐘啦…玩咗幾日，我哋玩咗半缸油，係出去途中就入下油啦，呢一缸有油入咗 NT$1135 ，即係三百幾蚊港幣到，都幾抵玩~~

之後，一路都好暢順咁返到高雄，個時大概係11點幾到。咁我哋就諗住去旗津半島個邊玩下啦，不過呢個時候個 GPS 就開始唔係好聽洗，有好多地方都係收唔到訊號，所以有時會指錯路~~

兜下兜下又去到旗津半島到喎，一路行就見到好多好似香港嘅天后誕嘅巡遊嘅嘢~~可能係天后誕都唔定~~

我哋去到呢個旗津半島到，第一個景點就係風車公園啦，呢個公園其實咪就係得幾架風車係到咁囉 ! 其實好多人去旗津到玩都會玩踩單車嘅旅遊方式，不過我哋就自駕所以就費時再租架單車喇，不過踩單車玩會睇得多D嘢~~

係呢個風車公園影完相，我哋就去另外一個景點，就係呢個旗後砲台喇，不過個GPS搵極都搵唔到，所以就唯有人肉GPS。去到附近見到有D指示牌，咁我哋就搵個位泊低架車先，我哋就泊咗係個碼頭近警局附近嘅一條街到，見個個都係咁泊，我哋就泊埋一份啦~~~

之後就行去個個景點啦~~呢一個旗後砲台係個山上面，要行一段仔斜路上去! 不過呢一個砲台唔知點解唔見個支砲台嘅呢，重有佢個門口個囍字又唔知去咗邊到喎~~不過如果天氣好，呢個砲台望出去個景都幾靚架~~

睇完，我哋就去埋附近個個燈塔到啦，呢一個燈塔又係要行上山嘅，其實係砲台個邊可唔可以行過去嘅呢 ? 唓~~家下 Google Map 返原來真係可以行過去架，如果早D發現就唔洗又上又落啦….

呢個燈塔，可以係呢到網去西子灣個邊，同埋睇到高雄市個邊，不過今日嘅天色唔係咁靚，有一層霧係到~~睇唔到遠嘢~~

好啦…睇到咁上下又係食嘢嘅時候，我哋頭先搵呢個旗後砲台嘅時候路經一條街，個到有幾間食店，睇個樣都幾好食咁樣。於是我哋就行返出去個條街到睇下有無咩啱食啦，最後揀咗一間食海鮮嘅~~

我哋叫咗一個炒蜆、一個炒飯同埋一碟炒菜，埋單就係多謝 NT$290 ，重有我哋係出面買咗一杯冬瓜茶飲!

伯利恆早餐..

噢~~拜拜啦...伯利恆

又係船帆石

入下油先

返都高雄市就塞車啦.

旗津半島

風車公園

旗後砲台

無砲台嘅..(有無人知點解個砲字唔係火字邊個個炮嘅?)

高雄燈塔

開飯囉