~~~活在當夏~~~: 2013 墾丁‧台南‧高雄自駕之旅 (14) 27.3.2013

2013/04/17

2013 墾丁‧台南‧高雄自駕之旅 (14) 27.3.2013

2013 墾丁‧台南‧高雄自駕之旅

Day 5 27.3.2013 星期二

85大樓水格印象® 美濃民俗村 ® 旗山糖廠 ® Lunch@美濃林家粿條 ® 台南七股鹽山 ® 台南安平周氏蝦捲 ® 西子灣日落 ® Dinner@大遠百 Food Court ® 85大樓水格印象

食完我哋就去台南嘅七股鹽山，今次去由呢個美濃區去呢個七股鹽山要行個幾鐘嘅車程，期間行咗高速公路，要俾NT$40公路費~~去到個鹽山到，個都有個台灣鹽博物館係到，我哋就無咩興趣入去睇，但係就有興趣去幫襯下佢個廁所。

去到呢個七股鹽山，又無咩指示點樣入去，我哋見到附近嘅一個鹽山係圍起咗(家下搵返D資料，原來個個鹽山係要係另外一個入口到入去嘅)，唔知點入去嘅~~於是我哋就係到周圍行下啦，附近又有一個DIY鹽田可以睇下個喎，咁我哋就去睇下啦~~有得影下相又有得試下點樣將鹽田入面D水運返出去~~

睇完我哋就去附近嘅安平區到食周氏蝦捲老舖，其實呢一間嘢係大遠百個個Food Court都有一間分店係到~~個GPS唔知點解一入到市中心就會收得好差，好在最後都搵到。本來就想將架車放係路邊D收費位，但係又唔知係邊到俾錢喎。最後我哋都係將架車泊咗係個間周氏蝦捲隔離條街到就算啦~~~

我哋叫咗一個蝦卷同埋一個虱目魚湯，虱目魚其實係台灣幾出名嘅美食，呢個周氏蝦捲味道都唔錯，反而無諗到個虱目魚湯都鮮甜喎。

食完嘢我哋就返去高雄啦，返去高雄要行一段市中心，呢個時候應該係放工時間，有好多電單車係條路上面，話時話，雖然係台灣揸咗幾日車，但係都幾貴驚D揸電單車D人，佢哋呢，完全係當D車無到，左穿右插咁架，真係幾驚個撞到佢哋 ! 呢一程用咗成個幾鐘先返到高雄，咁我哋就順便去呢個打狗英國領事館官邸到參觀下啦。不過，搵得位來泊車，都差不多成六點鐘啦，重有就係唔知個領事館係由邊到行上去喎。咁我哋就去呢個西子灣到睇日落啦，呢個位都有唔少人睇日落，原來就係尋日我哋去嘅燈塔嘅隔離咋~~睇完返去攞車個時見到一個可能係領事館個入口，原來係到裝修緊，唔怪得之搵唔到啦。再行去泊車個個位，又有D指示牌指住點樣行去呢個領事館喎，不過呢我哋都係遲D先去啦~~

之後就返去呢個85大樓都泊車，入到停車場個睇場叫我哋泊係一個中間位到，個到D位真係非常咁窄，後尾就同佢講個位好窄，想要泊係個邊位到，最後佢都俾我哋泊。

然後就去食個晚餐先，本來諗住去食呢個逐鹿炭火燒肉嘅，點知無晒位，要到2030先有位，但係我哋個時都係六點多少少咋喎，所以最後都係無食到嘅 !

然後，我哋就去咗呢個大遠百嘅Food Court到搵食，叫咗一個壽司、一D關東煮同埋一個棉花冰食。後尾返去架車到攞嘢，個睇場小姐鬼鬼鼠鼠咁同我講話另外一邊有一個好大嘅位又近Lift口，叫我泊去個邊，感覺佢怪怪哋咪同佢講下次先啦…今日又玩到成9點幾先返到去~~