2013 墾丁‧台南‧高雄自駕之旅 (15) 28.3.2013

2013 墾丁‧台南‧高雄自駕之旅

 

Day 6 28.3.2013 星期四

 

85大樓水格印象® 賽嘉航空公園 ® 義大世界 ® Lunch@義大世界 ® 燕巢新養女湖 ®燕巢新太陽谷 ® 橋頭糖廠 ® 瑞豐夜市 ® Dinner@瑞豐夜市 ® 城市光廊 ® 85大樓水格印象

 

今日我哋繼續係7-11到食早餐，又係麵包加飯團。食完我哋就去一個叫賽嘉航空公園到玩滑翔傘，由85大樓去呢個賽嘉航空公園都要成個幾鐘，重要一上高速公路就塞車喎，原來係整路兩線變為一線。呢個賽嘉航空公園其實都係無意中發現，我哋一路揸一路行，個GPS就指咗我哋向呢個山到行，去到附近我哋就見都有人係到玩緊呢個滑翔傘，不過由山腳去到呢個跳傘嘅地方都要差不多成半個鐘。我哋去到個時有幾個人係到玩緊，重有個人飛咗出去添~~~

我哋係到行咗一陣都無人理我哋，之後就有個人問我哋係邊到來，我哋咪話香港人囉，查實係我哋行來行去個時都聽到有人係到講廣東話架啦。之後個個人同我哋講廣東話，話原來啱啱係到玩個幾個人都係香港人~~~咁我就問如果想玩可以點玩呢，佢就話要Train過先玩得，之後我話係咪可以有教練陪就可以一齊玩呢，佢話都可以嘅，當我哋係乘客應該得。不過我睇個款好似無得玩咁樣~~如果可能飛下都幾過癮架!! 不過我諗佢哋係山腳應該有個大本營，如果唔係D人飛咗落去點樣可以攞返D嘢呢 !! 無得玩，混咗吉添~~~

之後我哋就去呢個義大世界到行下，順便食個Lunch先~~呢個義大世界真係好大，不過就無嘢睇嘅，話係Outlet但係D嘢又唔係好平喎~~~我哋係Food Court 到食嘢，然後周圍行下。係呢個義大世界入面重有個機動樂園，有D機動遊戲玩下，睇個樣都幾刺激咁~~不過我哋無玩~~呢個義大世界泊車呢就要俾錢，泊一次 NT$100 ，不過如果你可以係入面消費滿 NT$600 就可以免費泊車。
賽嘉航空公園

飛呀....

無得玩...

義大世界

義大世界Lunch

無嘢睇嘅...

D機動遊戲都幾好玩