29/10/2010 Day 9
Olympos > Antalya > Perge Orenyeri > Alanya >
Damlatas Magarasi > Alanya Kalesi
Damlatas Magarasi > Alanya Kalesi
Damlatas Magarasi@Alanya
兜咗一陣我哋都係無入到去呢個 Perge Orenyeri到睇，之後就驅車去 Alanya ，途經 Side 但係我哋就無入去睇，呢個 Side 入面有個阿波羅與雅典娜神殿嘅遺跡係入面睇囉。不過，我哋最後無入到去啦，因為想去住酒店個一區 Alanya ，個一區都有D景點睇下架。我哋去到 Alanya 就去搵下附近嘅景點，有個叫 Damlatas
Magarasi嘅洞窟，呢一個洞窟其實個名就係以附近個沙灘以命名，係 Kleopatra海岸個一邊，有個鐘乳石洞，規模好細，但係紅色嘅岩石有著茶色紋路，非常美麗。在鐘乳石洞裡有獨特氣氛的冷空氣漂浮著。其實係Alanya呢一區，重有好多類似嘅洞窟係懸崖底下，非常值得去睇睇 !!
Magarasi嘅洞窟，呢一個洞窟其實個名就係以附近個沙灘以命名，係 Kleopatra海岸個一邊，有個鐘乳石洞，規模好細，但係紅色嘅岩石有著茶色紋路，非常美麗。在鐘乳石洞裡有獨特氣氛的冷空氣漂浮著。其實係Alanya呢一區，重有好多類似嘅洞窟係懸崖底下，非常值得去睇睇 !!
我哋入到去個停車場又無咩收費指示牌係到喎，基本上係唔知洗唔洗俾錢，同埋俾錢又唔知收幾多喎。我哋就係附近停一陣，睇下有無人走出來收錢同埋收其他人嘅錢呢 ? 等咗一陣都無人喎，咁就以為係唔洗俾錢啦，就泊埋去其中一個空位到，其實個個位係係路邊到，完全唔係一個泊車位。呀~~我哋一泊完，落車準備行個時，就有個人走出來話要收 TL$2停車場錢喎，呢一個根本就唔係停車場，好明顯係地方管理人員所徵收嘅費用啦，連收據都無張，都唔知跟住會唔會又有其他人再出來收多次架 !!
其實個鐘乳石洞就係個停車場隔離，一落車行一陣就到，當時咁啱又有一大班年青嘅外國人又係入去呢個鐘乳石洞到參觀喎，我哋就排咗係佢哋中間喎，個個入場閘全程大開。我哋就隨住人群入咗去呢個鐘乳石洞到啦，最後我哋係無俾到錢入咗去睇架，呢個鐘乳石洞入場費要每人TL$4.5架。
呢個鐘乳石洞入面其實唔係好大，不過因為好多人一次過入去，所以就行得好慢。入到去其實都幾焗同埋熱，不過有好多個位置都好靚下，呢個鐘乳石洞其實同其他我哋去過嘅鐘乳石洞感覺差不多，洞入面嘅鐘乳石嘅顏色我哋就唔知咩色啦，因為賄哋打晒燈咁射住D鐘乳石，所以就唔知啦，我哋係入面都影咗唔少嘅相先至走人~~
去Alanya之前入下油先
去Alanya之前入下油先
藍天與白雲
呢一個就係我哋嘅Lunch啦..
我哋沿岸行，有唔少嘅沙灘係到架
呢個View真係唔錯
Damlatas Magarasi洞窟
Damlatas Magarasi洞窟對出就係一個沙灘
家下先知原來呢一間係一間Hotel來架
一張張嘅沙灘椅放晒係到俾人日光浴
Damlatas Magarasi嘅洞窟，入面係咪好迷幻呢?
睇下有幾多人係到
D人行行下係呢到Hae喎
Damlatas Magarasi洞窟出面有架買生果嘅車，但係無人個喎..
好好天啊～
回覆刪除[版主回覆07/28/2012 14:21:00]土耳其Ｄ天氣都幾極端，一係曬死你一係就落大雨落到水浸...
Ben哥哥，我終於回來Yahoo Blog了，很久沒見，你好嗎？
回覆刪除[版主回覆07/29/2012 09:28:17]嘩~~妳終於返來啦~~睇妳個Blog無咩Update，以為妳搬咗去第二度另起爐灶添..
呢排妳點呀 ?
Hi ! You only eat a bun for lunch ? Any fillings inside ?
回覆刪除[版主回覆07/30/2012 20:53:54]係呀...無計..搵唔到嘢食，所以淨係食包咋 !! 入面無餡架
睡在沙灘椅上睇浪...正!...香港的沙灘咁細一定冇可能放咁多張椅!
回覆刪除[版主回覆08/08/2012 06:01:57]係呀~~~佢呢個灘都唔係最大架啦..