2010 土耳其自駕之旅 (56) Day 8 - kaya mezarlari & kayakoyu

28/10/2010 Day 8

Marmaris > fethiye >
letoon & xanthos > olympos

 

Fethiye : kaya mezarlari & kayakoyu

Xanthos : xanthos
orenyeri & letoon orenyeri

Fethiye : kaya mezarlari & kayakoyu

  

好喇，今日嘅行程又開始啦，不過都重係不停咁落緊雨，希望去到個景點個時會停雨啦。我哋一路向目的地前進，但係都重係無停雨，今日我哋有再信錯亞 GPS 小姐，佢又帶我哋行D小路仔，因為今日落雨，而個D小路又全部都係泥路喎，所以好難行，跟住重要係去咗D唔知咩地方喎，諗諗下都係唔跟GPS行啦，又人肉GPS啦。行行下到有架車停咗係路邊，咁我就落車問下佢路啦，因為咁行法都唔對路架嗎，好在個個人又好Nice喎，重畫埋地圖教我哋點樣行返出去大路到添呀~~今次土耳其自駕真係遇到好多貴人啦~~~

之後我哋一路都行大路，睇路牌行，無跟個GPS行，不過後來返到香港睇返應該係因為D資料唔Update，所以成日行埋D唔知咩路! 去到 Fethiye 本來有兩至三個景可以去睇架，點知去到個時，嘩!落好大雨呀，我諗如果佢哋有暴雨警告的話，個時應該係黑色兼係水浸警告囉! 條馬路好似條河仔咁，D水唔知係邊到湧出來，其實個時都幾驚架車會死火架，因為D水真係幾深下~~~~

不過我哋都照去下個景點睇下會唔會去到就會落細D雨咁呢?!呢一個景點其實係山邊來嘅，係係岩壁上面嘅一個陵墓(Kaya Mezarlari – 英文名稱Tomb of Amyntas，是西元4世紀所建造的希臘神殿風格建築，採用愛奧尼亞式的柱頭，景觀非常獨特出眾)，但係去到我哋等咗十幾分鐘都重係落好大雨，根本就落唔到車，所以我哋只可以係車到影下相咋，無得落車睇囉~~~見都差不多成十二點啦，我哋就係車到食個包頂一頂肚餓先~~~

其實附近重有一個景點叫Kayakoyu，睇下資料先…

Kayakoyu:

過去是希臘東正教教徒所居住的村落，在土耳其獨立戰爭後，經過與希臘交換居民的方式，完整地把村落保留了下來。村落裡的教堂，留有掃瞄耶穌生涯的壁畫。村子裡還有葡萄酒的儲存庫、禮拜堂等建築物。

不過，係咁嘅天氣下，個個景點又係露天嘅，所以我哋就決定唔去啦~~~繼續我哋嘅路線，向Olympos前進…而下一個景點就係Lethoon Orenyeri
睇下出面落幾大雨 

我自己要發出黑色暴雨警告

岩壁上面嘅一個陵墓

好多水呀...

變咗做條河啦..