2010 土耳其自駕之旅 (45) Day 6 - Traverten@Pamukkale

26/10/2010 Day 6



Bodrum > Pamukkale

Pamukkale : Traverten &
Hierapolis

 

Traverten@pamukkale

食完嘢，係車到攞返D裝備就向石灰棚出發啦。去呢個石灰棚首先就要行一段大斜路先，之後大概扯路嘅中段就要除去著住嘅鞋先至可以繼續前進架…

呢個石灰棚其實係由含有石灰成份嘅溫泉由高原流出，經過長時間結晶作用後覆蓋住整個高原地帶，形成咗石灰岩地形。由山腳望上去就好似一座純白嘅雪山一樣。沉殿咗嘅石灰岩形成咗幾段平台，平台裡又注滿咗溫泉，形成咗一幅美麗嘅情景~~~

除咗鞋行其實都無咩特別，但係係網上面有人話行到好痛，應該真係有D人會行得好痛。我哋慢慢行上去，其實感覺有D似係雪山到行緊咁，行到去平嘅地方個時開始有D一個個嘅湖仔，入面D水就係凍嘅，但係聽聞呢D係溫泉水來嘅，應該熱先啱~~~係邊邊到有條河仔，D水流到幾急下，應該係個溫泉流出來嘅水，真係暖架!!不過係部份嘅地方係俾人截咗D水流，佢哋將D水截開咗令佢流落去山下面一個個好似泳池嘅嘢到~~~唉~~~

其實係網上面睇棉花堡之前嘅相係好靚架，但係因為當地人早年過度開墾，附近嘅酒店將泉水抽走，加上遊客們肆意破壞，白色台階已變成灰黑或者係泥黃色，泉水被抽乾，石灰岩土壤上寸草不生。好在土耳其人察覺得早，將棉花堡保護到家下咁嘅景貌，我哋先至可以局部看到台階同埋奶白色嘅泉水。赤腳係D石灰岩上走，一D都唔覺得拮腳，泉水係暖嘅，腳浸係泉水都唔會覺得凍。

不過其實佢哋話保護啫，俾D人日日係咁踩，呢個棉花堡睇來若干年後會邊成點呢 ? 先前係網上面睇個棉花堡係個個湖仔都有水架，今次我哋來到睇，有嘅都係好少水，唔次係唔係唔啱時間定係點呢?不過如果佢哋再唔加強保育一下，呢個棉花堡真係好快就會無架啦…

我哋一路行一路影相，行咗大約個幾鐘上到去個頂到~~~之後就著返鞋去另外一個位睇下呢個棉花堡啦，個幾個位就係平時D人嘅影相位，所以係好多人係到架~~~影完相我哋就繼續我哋嘅行程喇，就係去睇個Hierapolis

唔知點解會有隻駱駝係呢到喎.. 

就係由呢到行上去啦..個更亭個到就係個入口啦..

左手面個到係新整架..一個個好似泳池咁樣，Ｄ水就係由上面引落來

呢一段路都未洗除鞋

由呢到開始要除鞋行啦

一袋袋個Ｄ係鞋來嘅..

百雪雪..其實我覺得佢有Ｄ似鹽田

呢到就覺得似係雪山到

後面個到其實係個山腳下嘅公園...引走咗好多泉水

好多地方都係乾嘅...

Ｄ泉水就係沿住呢一到流落去

不過我哋去睇個時呢..就係無水流

人都重未係好多

佢哋就係呢到集咗Ｄ水流，下面個到就無水流落去

上到上面就開始有Ｄ有水嘅湖仔出現

時間尚早，遲多少少就會有好多人係入面浸架啦..

呢到開始好濕，要小心行，如果唔係就會PK

其實水流都唔少，不過下面俾人截咗

呢到Ｄ水流係暖架...

上到上面又另一番景象

開始有好多湖仔

有Ｄ大到好似個泳池仔咁

呢一堆黃甘甘咁，唔知點解喎..

其實今日個天氣都唔係幾好，好在我哋行個時無落雨咋

差不多去到頂位啦...

上面多水好多

行到雙腳嘅腳指變咗白色

到頂喇..

就係到著鞋...繼續行程

上面呢一截Ｄ色無咁靚

呢一截如果有水都幾靚，睇Ｄ Poster 通常都係係呢到附近影

呢個又係影相位..

無水流...

有Ｄ似大峽谷

睇Poster呢個位好靚架..唔知點解變到咁樣嘅呢..

呢到有水會好靚

呢Ｄ係睇完落返去時影，已經有人係到浸啦..

走嘅時候個天藍好多，影返Ｄ相先

個支係呢到嘅水..最後係點呢? 我唔記得

藍天加雪白嘅景，好靚

真係好似係雪山咁

呢到夜晚應該會幾靚，因為打晒燈咁

噢~~行完囉...棉花堡..拜拜

呢個係係棉花堡入面嘅遺跡..我哋行到上上面就去睇埋

棉花堡下面整咗個公園

今日勁，由太陽未出來玩到太陽落山