2010 土耳其自駕之旅 (47) Day 6 - Dinner

26/10/2010 Day 6



Bodrum > Pamukkale

Pamukkale : Traverten &
Hierapolis

 

dinner @pamukkale

睇完呢個大景點，我哋係個到嘅小食亭到買咗罐汽水飲，因為實在係太口渴啦，之後我哋就經Traverten落返去泊車個到啦~~走嘅時候，係Traverten有好多遊客，同埋D水明顯係俾我哋今朝上來個時多好多嘅~~~行到去差不多出口個時，咁啱個天又幾靚同埋有太陽，咁我哋又影下相先~~~

返到落去就大約4點鐘到，又未到食飯時間喎，但係又有D肚餓，可能Lunch個餐食得比較少呱。咁我哋就睇下附近有無咩景點啦，有嘅都要成40分鐘車程先去到，咁來回咪要成兩個鐘，個景點會係1730就收工，再加上有機會會俾GPS老點，所以我哋最後決定唔去，去睇下附近有咩嘢好食好過~~~

我哋係個GPS到Serach過，搵到附近有Burger King喎，咪去睇下囉，大約十幾公里就到，應該好快就會到，不過最後要成半個鐘先到咗目的地。去到就搵唔到Burger King，但係就有間Super Market，咁一場來到就入去買下嘢啦~~~

之後就去咗酒店Check-in先，呢一間酒店都幾難搵，我哋兜咗幾圈都搵唔到，好在有一個熱心嘅土耳其帶我哋去，佢重上埋車帶我哋去添呀~~~真係好人….間酒店要開一篇講下先~~

Check-in完我哋就去附近都搵食啦，先前搵酒店個時我哋係附近都周圍兜來兜去，見到有幾間嘢有日本同韓國嘢食，於是我哋就去睇下有無得食啦。原來真係有得食個喎，一個餐都係TL$10都唔算貴。我哋叫咗個親子丼同埋土耳其牛肉飯，味道都幾Okay喎，最重要係有飯落下肚真係唔錯。我哋係呢到食嘅呢一間餐廳，其實佢都係一間Hostel來架，我哋見到一D叫人幾點要返到來呀~~用完D嘢記得放返好….個老細重同我哋傾計，嘩，佢個亞哥係香港開咗幾間買土耳其包烤肉，重叫我哋得閒去幫襯下，重俾咗張咭片我，我就袋咗落袋，佢即刻叫我攞返出來睇睇先…間舖頭叫Istanbul Kebab，張咭片就寫有4間店嘅。但係今時今日我睇到淨返一間咋~~傾完我哋就返酒店啦…
傳統土耳其式嘅佈局 

土耳其牛肉飯

親子丼，睇個買相就唔係好得，但係食落都幾好味