25/10/2010 Day 5
Kusadasi > Soke > Priene > Milet > Didim > Bodrum
Kusadasi > Soke > Priene > Milet > Didim > Bodrum
Kusadasi : Club Caravanserail Hotel > Ladies Beach
Soke : Priene Orenyrie > Milet > Didim
Bodrum : City Tour
Didim & Bordum
睇完係呢個Milet嘅遺跡之後，我哋又去另外一個位於Didim嘅遺跡。將個地方名入咗去個GPS到，但係最後我哋都係搵唔到，之後諗下可能要入Didyma呢個地方名先至可以搵到都唔定~~搵咗一排我哋都搵唔到，唯有放棄啦。之後就向我哋住嘅區域到出發啦，我哋今晚住嘅地區係Bodrum。個GPS 又帶我哋行咗一段山路，睇來呢一個GPS真係要睇清楚地點先行，唔係真係跟住佢行會帶我哋行咗D咩路。去到Bodrum大約係下午點幾兩點鐘到，間酒店都幾難搵，我哋係附近兜咗好耐都未搵到，最後我就問咗個當地人，佢重帶埋我哋去間酒店到添，真係幾好人。來咗土耳其幾日，發覺D上咗年紀嘅同埋D小朋友都係好Nice好肯幫人。原來間酒店係D街入面，如果無人帶都真係有排先搵到啦。之後就去Bodrum市中心行下啦。本來想去睇下個城堡架，點知佢今日休息，咁我哋就淨係係市內參觀啦~~~無嘢睇就係入面D舖頭到行下，不過都係無嘢啱我哋買喎，行行下見到唔知係唔係有個展覽呢?有好多船嘅模型放咗係到俾人參觀~~呢個Bodrum真係好有度假Feel，周圍都係外國人，又多遊艇喎~~~睇完我哋去搵食了
有D關於Bodrum嘅資料
Bodrum擁有愛琴海最南嘅港口，同時亦都係前往地中海必經嘅港口。Bodrum位於Istanbul正南方600km位置，冬天嘅溫暖，也較多睛朗的日子。在這個土耳其代表性的度假勝地裡，每年都會有世界各地的人士到此度假。港口內停靠眾多的遊艇，而一旁的山丘上，排列著潔白耀眼的房屋。
不同於以希臘羅馬時代遺跡為主的古老城市 Efes 及 Didim ，一到 Bodrum 就彷彿進入十字軍所活躍的15世紀，當時留存下來最具代表性的歷史建築物，就是位於在港口一角、十字軍所建造的堅固要塞 Bodrum 城塞，聳立在港口的前端，看起來彷彿是漂浮在海中央的城堡，與愛琴海湛藍的海水，調配得完美無瑕，美得令人沉醉。
呢到D街都幾靚幾整齊
呢間唔知係咩來嘅呢?
市入面嘅街道，都好似無咩人咁
呢隻狗狗懶洋洋咁係沙灘到Hae
我諗係夏天呢一個沙灘應該係會好多人
泊滿遊艇嘅港口
市入面嘅城堡博物館，今日休息，無得睇
呢個頭唔知係邊個人來嘅呢?
行行下見到有個展覽
入面有好多船嘅模型放咗係到俾人參觀
呢一個好似係D指南針咁嘅嘢
行呢一個應該係生果市場
Bodrum的貓貓
Hi ! So many 遊艇 ! Did you buy any fruits in the 生果市場 ? I love the last photo of the cat. I would love to pat its back and say ' Hello ! ' 影不到牠的正面真可惜.
回覆刪除[版主回覆07/07/2012 16:15:20]係呀~~呢一個係一個旅遊熱點，有好多遊客會來呢到度假架~~~無買到生果呀，因為無嘢啱心水，呢隻貓貓好高竇架，叫佢都唔睬人架...
土耳其係咪好多貓？
回覆刪除[版主回覆07/07/2012 16:13:24]係呀~~~差不多每一個點都有貓出現~~~不過有Ｄ好鬼高竇