2010 土耳其自駕之旅 (59) Day 8 - Chimaera (Yanartas)

28/10/2010 Day 8

Marmaris > fethiye >
letoon & xanthos > olympos

 

Fethiye : kaya mezarlan
& kayakoyu

Xanthos : xanthos
orenyeri & letoon orenyeri

 

Olympos : Chimaera (Yanartas)

係房到Hae咗一輪之後，期間都問咗下Pension入面D人點樣去呢個 Chimaera 個到睇嘢。其實呢個永恆之火Chimaera，距離Olympos行路大約就6~ 8 km，但係揸車呢就要成二幾公里啦。行路我就唔知要幾耐，不過揸車去都要成半個鐘先可以去到。不過如果行路去的話，就可以沿住海邊行，個沙灘聽聞都幾靚個喎，沿途風景幽美，有藍天碧海、石灘，如果係夏天的話可以遊下水添。到咗Yanartas 山腳，原來呢個景點係要俾錢個喎，入場費盛惠每位TL$3.5，係個售票處個到有得租電筒不過就要成TL$5租一支，都幾貴喎。出門口個時唔記得帶埋支電筒出來，最後我哋都無租到，行上山差不多要成三十分鐘，有部份路段係鋪過，所以幾好行，但係有部份路段呢就真係好難行啦。行到去個山頂位置呢，就會見到有多處火焰，不過我哋兩個人就成身都濕晒囉。係網上面搵到原來Chimaera 係指一種獅頭、羊身、龍尾的吐火獸，可見以前的人對於Mt. Olympos山坡上多處不熄的火頭是既敬且畏。而點解會有D火焰係地下到噴出來嘅呢 ? 係由於地底的有D易燃嘅氣體滲出來之後同空氣接觸而產生火。據說呢D火在係舊時係非常猛烈，連海員係地中海航行時都可以清晰見到。我哋去到日就有幾個火頭，但係就唔係幾猛烈，不過話時話真係可以用來BBQ架。

我哋上到去個時見到有兩Pairs人係到，有一Paris係我哋上個時到見到架啦，我哋諗住睇完個時跟最後個Pari人一齊走咪有人照住條路囉，因為佢哋都有租電筒架。個天都黑得幾快個喎，我哋上到去無耐就開始黑喇，其實呢個景點都幾特別，係台灣都有呢一類嘅景點。睇完影完相，見到最後一Pair人走人，我哋都跟住一齊走，但係點知佢哋行得好鬼快喎，連身影都見唔到喎。個時又黑麻麻，咩都睇唔到啦，咁我哋唯有慢慢行啦~~行行下諗起有帶手提電話喎，即刻攞出來，原來真係可以用來照路架~~~

話咁快就行到落返去售票處個到，見到頭先其中一Pair人喎，突然問我哋住係邊喎，原來係想搭順風車，好在咁啱佢哋又係住係我哋附近個到，就車埋佢哋啦。原來佢哋係英國人來嘅，來土耳其係渡蜜月架，不過佢哋就真係渡蜜月喇，係呢一個區住7日咁多呀~~~問下問下，原來佢哋今日下午就由住個到沿海邊行過來呢到架(原來真係有人行個喎)，佢哋話D風景好靚，個沙灘有幾正咁，不過就行咗成6個幾鐘先行到來呢個位置囉!!嘩~~如果佢哋唔係預到我哋，都唔知佢哋點樣可以行返去佢哋住個個位置，最重要係天到黑晒啦嗎~~~不過我哋走個時都重有人來緊，因為呢個景點其中夜晚睇會正D。
影低個地圖跟住揸車去 

揸揸下見到有路牌，跟

去到見到一個都叫有規模嘅屋仔係到，開頭以前就咁係山邊一個景點添，原來要收入場費

真係有火架

呢個火真係可以BBQ架