2016
九州自駕之旅 Day 8 27/3/2016 星期日
鹿兒島市 > 竹ノ内観光農園 (摘草莓) (Tel.0995-45-6803 MC: 216 695 846) > 高千穂牧場 (MC: 227000 772 *25) > 霧島天狗館(Tel. 0995-64-8880)
> 霧島神宮(TEL 0995-57-0001) Lunch @ 神話の里公園・道の駅霧島 (Tel.0995-57-1711/ MC: 376 117 259) > 丸尾瀑布(丸尾の滝)(Tel.
0995-64-0895/ 0995-76-1111 MC:
376
205 663) > 霧島溫泉市場 (霧島温泉市場)(Tel.0995-78-3121/0995-78-4001 MC: 376 204 644) > えびの高原 (TEL：0984-33-3002 MC: 376 416 044) > 足湯の駅 えびの高原 (Tel.
: 0984-33-1155) > 生駒高原コスモス園 (MC: 227513 025 *55 ) > 霧島いわさきホテル (Tel. 0995-78-8888/MC: 376 235 671)
食飽我哋就出發去高千穂牧場，點知去跟住個GPS行去到一個高爾夫球場(俱樂部，家下睇返地圖原來個俱樂部向左直行就係，但係豬小姐帶咗我哋右行)附近就話到咗，重帶我哋入咗去D唔知咩路到，都嘥咗唔少時間，見搵唔到，我哋就唔去。去下一個景點霧島天狗館，去到霧島天狗館出面D停車位無晒，咁我哋就去呢個霧島神宮睇咗先。
呢個霧島神宮個停車場非常之大，睇來應該係某D時間會有好多人來參拜。個神宮其實唔係好大，但係入面有幾棵樹真係好大棵~~~跟住我哋就去埋呢個霧島天狗館，不過要收入場費所以我哋就無入去喇。
見都差不多12點，就搵地方去食個Lunch先，本旅遊書介紹一個叫橄欖樹 ori-bunoki地方食，不過亞豬小姐話無呢個地方嘅電話號碼，咁我哋就去神話の里公園・道の駅霧島到開餐喇，揀咗個滑蛋雞同埋滑蛋牛飯，味道都OK。食完嘢就係入面個商店到買咗D嘢，之後就去埋呢個神話の里公園到行下，呢到又係攪緊櫻花祭，不過D櫻花又係未開~~
睇完我哋就去睇條丸尾瀑布，呢個瀑布維修緊不過都影到相。再去埋呢個霧島溫泉市場，原來呢個市場都有間食店係到，下面重有幾間商店買下嘢，不過我哋都係運吉多~~呢個溫泉市場泊車個個位置個到真係有溫泉不停咁流出來架~~~
食完嘢我哋就去行下山先，我哋下一站就係去呢個えびの高原，我哋泊咗架車係間商店出面。在去咗對面嘅足湯の駅 えびの高原到行下，入面都幾多嘢睇個喎。我哋重係到食咗支雪糕添，呢隻雪糕其實已經見咗佢好多次，買¥520~~都幾 Creamy~~食完我哋又係到買咗D嘢。之後就諗住去行下山，行行下團友話好凍頂唔緊，所以我哋都係行咗去一個展望台就無行喇。諗住揸架車去睇埋呢個生駒高原コスモス園頂，點知原來話呢到測到話有機會會火山爆發，所以有一段路就封咗~~~無得去，我哋就去個中心到行下啦。
之後就去酒店到Checkin，呢間酒店叫霧島いわさきホテル，佢有個出名嘅露天溫泉叫綠溪湯苑。我哋16:30到Check咗in ，之後見到佢寫呢個綠溪湯苑玩到6點就收檔，要夜晚8點先再開。咁我哋見時間尚可，就即刻上房換衫落來去浸啦。浸呢個綠溪湯係要另外再俾¥550嘅，不過先前係網上面搵資料個時又無話要俾錢嘅~~不過間酒店就會用架車兜你去埋個個露天溫泉個到，個到重有個地方換衫嘅。浸呢個綠溪湯係可以連埋衫一齊浸，我哋去到個時無人，得我哋兩個係到浸，變咗私人風呂~~正~~呢到D水係綠色架，個到有5個池可以浸~~呢到唔俾帶嘢來，所以無得影相!!
浸完就Call返酒店叫佢哋來接返我哋，之後就返上房到換返衫落來食日式晚餐。呢個日式晚餐都OK喎，個梅酒重要幾好飲，係佢哋自己釀嘅，所以我哋去咗佢哋間商舖到買咗一支~~~
之後就上房食埋呢個士多啤梨，然後休息一陣就落去酒店個溫泉到浸下~~~
住:
霧島いわさきホテル
〒899-6603 鹿児島県霧島市牧園町高千穂３９５８
0995-78-8888
¥24000 + ¥300 入湯稅 九州最大級の大露天風呂を満喫!!ツイン【33平米】 Parking: ¥0
綠溪湯
是日Dinner，日式晚餐
附近有個地方係3月開始會有芝櫻睇，不過上網睇我哋去到個時D芝櫻重未開
飯後甜品
沒有留言:
發佈留言
來到留返句說話先走啦...