Day 3 22/3/2016 星期二
今日主要嘅景點就係豪斯登堡Hausu tembosu ，會預一日嘅時間係到玩，食完呢個早餐就出發去呢個豪斯登堡Hausu tembosu 。泊好車就入場，今日係閒日，所以唔係咁多人。如果係尋日可能會多人D，因為19-21/3係日本嘅春分公眾假期。其實入來呢個豪斯登堡，都有D想睇呢個海賊王個艘船，不過已經係舊年搬咗去第二個地方!
我哋係買1 Day Pass，大部份嘅嘢都係包咗。係網上面睇話要由左手邊一路玩，我哋就跟住玩啦。一入去就有個花卉道路，係呢到有D似荷蘭嘅風車村。之後就去呢個娛樂設置城，呢到就主要睇D室內嘅遊戲，入面重有一個海賊王嘅館係到。睇完我哋就去港口城，途經呢個顫慄城同埋阿姆斯特丹城。海賊王個艘船原先就係放係港口城，我哋行到來呢個港口城差不多係食Lunch嘅時間，我哋揀咗一間食海鮮丼嘅餐廳，都幾多人食，要等位~~~
食完想去呢個豪斯登堡皇宮行下，點知我哋嘅Pass係唔包嘅~~
途經一個館，有得免費玩呢個釣魚Game，我哋又入咗去玩，我哋無神神攞咗第一同第三名，不過就無獎嘅~~咁我哋就行返去呢個阿姆斯特丹城到影下相，呢到整到好似阿姆斯特丹城其中一個地方，我唔記得邊一到添。係個城堡隔離夜晚重有得玩夜光溜冰添架~~~之後我哋就去呢個顫慄城到玩，我哋玩咗呢個夢靨研究所，呢個研究所其實我哋就唔係好驚，因為我哋唔知佢講咩~~~日本怪談鬼屋，呢個呢…無嘢好講囉，都唔知做咩?! 愛的鬼屋，呢一個係由你去整鬼其他人。5D MIRACLE TOUR，5D~~~我都唔知5D係邊到…
睇完呢個我哋就去玩笨豬Jump，團友就無玩，呢到排隊排咗成個鐘，我哋應該一入來就玩呢個，因為無咁多人~~~排就排成個鐘，玩就兩秒鐘 !! 不過我係第一次玩呢個笨豬Jump，跳個一刻係會有D驚，但係一下就無咗，可能係玩高D個D會感覺勁D !!
玩完呢個我哋就去玩埋另一個滑繩索，呢一個又係幾好玩~~~玩嘅時間會長一D，無笨豬Jump要排咁耐隊。玩完我哋就去影相，因為夜晚嘅豪斯登堡係會有LED燈嘅表演同埋有巡遊表演。呢到我哋都影咗唔少相。之後就去咗 Pepper Lunch到食Dinner，呢間Pepper Lunch位處於呢個顫慄城，咁啱又有呢個Show表演，又有D人扮鬼周圍嚇人，都幾過癮。係呢一間Pepper Lunch入面，都幾多香港人係到食嘢。食完我哋就去玩埋呢個監禁醫院，入面其實都幾恐怖，如果你係糊思亂想嘅人，會更覺恐怖。
玩完就返酒店啦，返到酒店都差不多成九點啦~~~
住:
東横INN佐世保駅前
857-0863 長崎県佐世保市三浦町14 Tel.0956421045
¥6912 禁煙ダブル Parking: ¥500
東橫INN簡單的早餐，其實東橫INN嘅早餐已經多咗好多款，我記得第一次住淨係得飯團食~~~但係已經食得好開心，因為唔洗錢..
豪斯登堡
入面都種咗幾多花
有D似荷蘭風車村
海賊王館
呢個視覺館入面D嘢似曾相識..好似日本東北嘅一個館
呢個都幾無厘頭，入到去好似行迷宮咁
又係有荷蘭風景嘅地方
食返個Lunch先
豪斯登堡花園，無得入
懷舊遊戲...入面真係有好多舊Game
返工釣魚都幾灑家嘅我，原來我釣魚都幾叻架..
無神神攞第一名，團友攞第三
呢個研究所要識聽日文先會覺得恐怖
YOU JUMP I JUMP
好快就玩完了...
呢個係空中行無玩..
LED Show
巡遊
Dinner
最後玩嘅恐怖嘢
天氣好好呀
回覆刪除係呀...呢個真係天宮造美...之後個D就...
刪除