~~~活在當夏~~~: 2016 九州自駕之旅 Day 6 25/3/2016 星期五 (11) 百年老舖炭燒鰻魚飯~~好味

2016/04/20

2016 九州自駕之旅 Day 6 25/3/2016 星期五 (11) 百年老舖炭燒鰻魚飯~~好味

2016 九州自駕之旅 Day 6 25/3/2016 星期五

熊本 > 青井阿蘇神社(MC: 195 765 198/Tel.0966-22-2274) > 人吉城跡 (賞櫻) (MC: 195 737 787/Tel.0966-22-2111) > Lunch @上村鰻魚屋(上村うなぎ屋 )(Tel.0966-22-3312) > 布房湖 (市房ダム湖) > B＆B パークホテル鹿児島アネックス(Tel.099-214-5611 MC: 393 575 561) > 鹿児島中央駅 > 鹿兒島市

https://goo.gl/maps/mpSLsScjRwK2

睇完城跡都十二點幾，我哋就要係呢到食埋個Lunch先去鹿兒島。旅遊書介紹呢到有一間食鰻魚好出名嘅食店，上村鰻魚屋(上村うなぎ屋 )。入咗個電話入GPS，帶咗我哋去一條街，以為係一間細舖頭，求其搵個停車場泊低架車，頭先啱啱又望到係城跡見到個一對香港人係附近，唔通佢哋又係來呢到食嘢嘅。再睇一睇我哋泊個個停車場，原來就係上村うなぎ屋嘅停車場。

我哋行到去嘅時候，已經有好多日本人係到等緊位。我哋就入去攞位，等咗一陣又見到個對香港人又係來嘅到食嘢。好快，就帶咗我哋入一間4人嘅房，個職員示意我哋坐埋一邊，心諗唔會咁啱同個對香港人同一間房呀~~~

將枱有個炭爐係中間到，上面放咗一個水壺係到，唔知入面係咪裝咗D水俾人飲嘅呢?過咗無幾耐，個對香港人真係來埋呢一間房到，坐咗係我哋對面~~~真係要唱返首”再度重遇你，可喜也可悲…”。其實都幾尷尬，因為大家有共同語言但又係其他國家但係就唔識嘅，係呢一moment唔知講咩嘢~~~~~其實都幾尷尬，因為大家有共同語言又其他國家但係唔識嘅，係呢一moment唔通唔講嘢咩~~

好喇，都咗點餐嘅時候，個職員用少少嘅英文加日文同我哋講~~大致係應該有D係蒸嘅，又有D係燒嘅，燒嘅又有幾款燒嘅味道，一碗有幾多塊鰻魚，呢D都係我哋估佢大概想講嘅嘢~~~

咁最後個職員又指下其中一款，話呢一款係最多人叫嘅，咁我哋就話要呢一款細嘅啦~~~

係等嘅時間，我哋有我哋係到傾計，個兩個香港人又有佢哋自己傾。到咗D飯來到，對面一對香港人個女仔話幫我哋影相就打開咗個話題。原來佢哋已經係來到尾聲，聽日就會返香港。佢哋專登來睇櫻花架，話福岡個到好多都未開，但係有一個叫布房湖嘅地方到有好多櫻花睇，話有成千棵嘅櫻花，重開咗有成7-8成~~

好啦，講返個鰻魚飯先，個飯就有四塊鰻魚，睇落去個幾塊鰻魚都幾Juicy。日本食鰻魚飯最重要係D鰻魚嘅處理手法外，重有一樣靈魂物質就係個汁，呢一間百年老店講個汁係祖傳嘅，重有就係D鰻魚係落Order之後先會去燒。個鰻魚飯個汁確實係幾好味，同埋D鰻魚又燒得幾好食個喎，你會不知不覺咁食晒成個飯! 埋單每位就係 ¥2600，如果係鰻魚飯來講又唔係貴，不過聽聞係柳川嘅鰻魚飯都係好出色，但係我哋今次係無去柳川嘅~~

上村鰻魚屋(上村うなぎ屋 )