2014 冰島自駕之旅 Day 8 2/11/2014 (星期日)(10)

2014 冰島自駕之旅 Day 8 2/11/2014 (星期日)

Krafla Geothermal Power Plant地熱發電廠 > Viti火山湖 > Leirhnjukur地熱區 > Skutustadir偽火山區 > Dimmuborgir黑城堡 > Hverfjall偽火山 > Myvatn Nature Bath浸溫泉 > Vogahraun Guesthouse 

今日都係係米湖渡日，不過天氣都係無咩好轉到，其實之前都有睇到冰島嘅天氣預測，都見到呢幾日天氣唔係幾好~~~不過重係會希望佢會變好嘅，尋晚醒過又影下有無極光，不過都見唔到有~~~

今朝唔洗自己整早餐食，因為 Guesthouse係包埋嘅。我哋尋日已經約定今日九點食早餐嘅，我哋九點去到見到有兩個外國人係到食緊早餐，應該係尋晚Walkin嘅，因為尋晚唔知幾點個時聽到有人係出面條走廊到行，以為係有人整燈添，因為D走廊D燈係開唔到，我哋去咗反影過話好黑~~原來係有人Walkin入來。開頭重諗住個早餐應該無咩食，點知同之前個間酒店有得 Fight ~~真係估佢唔到 !! 

食完早餐，我哋就出發去第一個景點Krafla Geothermal Power Plant地熱發電廠、Viti火山湖同埋Leirhnjukur地熱區，其實佢哋係同一條路去嘅。

開頭去到發電廠都無咩嘢，地面都有D雪咁喇，咁我哋又周圍影下相先。之後想再去呢個Viti火山湖同埋Leirhnjukur地熱區就出現問題喇，條路落咗雪，開頭諗住四驅都應該上到呱，咪試下囉，點知係行到左搖右擺咁。如果係平路我就會繼續行，不過呢一段路係上斜同埋有灣，所以最後我哋都係泊架車係路邊，行路去睇。當我哋開始行咗5分鐘到，又有其他人來到喎，重見到同我哋一間Guesthouse個Pair外國人添。佢哋又學我哋咁泊架車係路邊行上去睇~~~本來幾分鐘嘅車程就要來回行咗成個幾鐘，好在我哋無咩特別景點要趕去睇嘅啫 !!

行到上去睇個Leirhnjukur地熱區，白茫茫一片雪地，之後去到個Viti火山湖就見到佢結晒冰，我諗如果行到落去，應該可以係上面溜冰~~

入下油先

成條路都係雪

有少少籃天

睇完我哋又行返落去啦~~下一個景點係Skutustadir偽火山區，呢到又係成地雪，我哋周圍行下影下相咁，之後就去咗對面嘅一間 Café 到，見到佢哋有嘢食，D餐唔係幾吸引。我哋最後叫咗熱狗同埋蕃茄湯飲，個湯重要有得無限添飲添…係食嘢個到遇到一Pair外國人，男個個無神神問我哋係咪由香港來，我哋答係之後佢無神神同我哋講國語。佢話佢係澳洲人，不過係香港做過幾年嘢，所以知道我哋講緊廣東話~~~真係又趣~~~

嘩~~呢一架先係四驅呀嗎...

冰與雪

我哋就係呢到開餐啦

食完嘢我哋就去睇呢個Dimmuborgir黑城堡，點知行行下落大雪，個地下又跣喎，咁我哋唯有撤退喇~~係呢有一間 Café 係到，聽聞D嘢都幾好食，不過我哋無入去睇到 !!

成地都係雪都唔知點行呢...其實係條路好跣

見唔見到一點點呀...係落緊雪呀

之後就去個大景點Hverfjall偽火山，入去條路都幾爛下，我哋開頭行到個山腳個時見到有架車停咗係到以為D人就係到就咁上，不過見到好似唔係，然後先繼續入去~~~入到去見到有架車泊咗係到，又見到有人落緊山來~~~見到條路都幾長下，有D想係下面個牌到影張相到此一遊就算 !! 不過我哋之後就無咩做就行下啦，點知一路行一路落雪，上到個山頂重要好大風添~~咩都睇唔到，影完即走啦~~~

已經開始落緊雪

開頭以為係呢到就可以行上去...

準備開始...

好大雪...影完即走...

見時間尚早，我哋就去呢個Myvatn Nature Bath浸溫泉到浸一浸啦，之前有 Blog 友話佢唔係好夠熱，可能佢個時係啱啱洗完個池都唔定，唔係點會有 Discount 呀~~我哋去浸個時D水溫又OK喎…

唔好以為無咩嘢，其實好凍架

我哋浸咗一個鐘到就走人喇，之後就返去 Guesthouse到整晚餐食，我哋係去呢個Myvatn Nature Bath浸溫泉之前去咗超市都入咗一包魚旦，用來今晚食麵食，不過都唔好食嘅~~~我哋今晚嘅晚餐係炸菜魚旦罐頭魚福字麵 !! 今晚嘅晚餐曾經有諗過食 Guesthouse 個到嘅Pizza (有Discount架)，不過因為我哋重有唔係好多日，所以要食緊D麵先~~

是日晚餐

得我哋用架咋

食完就返去休息，今日都行咗好多路呀，沖完涼又去影一兩張相睇下有無極光，又係厚雲，即係無極光睇~~~