~~~活在當夏~~~: 2014 冰島自駕之旅 Day 4 29/10/2014 (星期三)(6)

2014/12/03

2014 冰島自駕之旅 Day 4 29/10/2014 (星期三)(6)

2014 冰島自駕之旅 Day 4 29/10/2014 (星期三)

Hvolsvöllur > Seljalandsfoos 瀑布 > Skogafoss 瀑布 > Museum of Skogar > 黑色沙灘、垂直岩石層、Dyrholaey門洞 > Reynisfjara Hálsanefshellir 玄武岩 > Vik紅色教堂 > Kirkjubæjarklaustur > Fosshotel Nupar

今日大概5點幾就醒咗，望下出面個天，幾清又無咩雲，於是就換衫出去睇下有無極光，係住個到就唔多覺有，咁就揸架車去尋晚個到睇下有無~~~呀~~~~重有喎，不過就無尋晚咁強啦，只係見到有D綠色嘅光~~~~咁就影咗一陣就返去喇，因~~~為~~~好拿凍~~

有綠色又有紅色嘅光

天邊好多綠色嘅光

重有好多星星

重有流星

銀河加極光

早餐

返到去，就開始整早餐同埋執行李~~~食完早餐，我哋就出發啦。今日我哋係會繼續向東行，第一個景點就係入油，入完油就去睇呢個Seljalandsfoos 瀑布，聞說呢個瀑布又係睇到彩虹嘅，不過我哋都係睇唔到囉....諗諗下，我哋係呢個冰島之旅，好似無見過彩虹!~!

我哋都嘅時候就得一對情侶係到，重有一架幾重裝嘅車泊咗係個停車場到，我諗應該係去行冰川嘅 Tour 。呢個瀑布其實係可以行入去，不過就會濕身，當時又係好大風又好凍，我哋最後都係無行到去睇~~~

呢間就係我哋住嘅 Studio

入油先

天色唔係幾好，所以瀑布唔係幾靚

架車究竟係去邊嘅呢 ?可能係去玩 snowmobile 都唔定

睇完呢一個呢...又去下一個景點，都係瀑布，其實中間重有一個景點嘅就係Eyjafjallajokull ，呢一個就係之前火山大爆發嘅火山導致到整個歐洲嘅航空交通大受影響嘅火山，不過我哋 Miss 咗呢一個景點~~嘻嘻

去到Skogafoss 瀑布個時，唔係有好多人，我哋又係影下相咁喇。之後我就行咗上去睇呢個瀑布嘅上游，團友就唔上去喇，佢話行完應該會淨返半條命，所以就唔上~~~係我行上去個時，有好多人來咗，重要有好多都好似係學生來咁 !! 其實行上去都幾係嘢架，行到成身出晒汗，又唔想除衫喎~~~

呢到好天應該又係睇到彩虹

行上去其實都幾辛苦架

上游景色

睇完呢一個我哋就去Museum of Skogar，之前有 Blog 友係大概半個月到來過，話係免費入場睇嘅，咁我哋咪入去睇下囉，點知原來係要收費嘅，不過出面D傳統冰島屋應該係唔洗俾錢呱，我哋就係出面附近到影下相，博物館就無入去睇，因為收錢~~~

入場睇呢個博物館要收$1750kr

之後就去黑色沙灘、垂直岩石層、Dyrholaey門洞呢到睇喇，去到好大風~~~我哋就去咗個沙灘到影相，然後走人~~~

唔好以為我扮型，其實係大風到要咁企先影到相

係去呢個黑沙灘嘅路中，有一節路嘅湖結咗冰

天色開始明朗

之後就去咗Reynisfjara Hálsanefshellir 玄武岩，呢個有一間 Cafe，我哋影完相就入去睇下，不過D嘢唔係好啱食，所以我哋今日嘅Lunch就係誠實豆沙包同埋紫菜麵豉湯~~~

是日午餐

食完就去 Vik 到睇呢個紅色教堂，不過就天色唔係太好，所以個景觀一般~~之後去咗附近嘅一間商點到行下，運吉....

Vik 紅色教堂

然後就去今晚嘅住宿啦，今晚我哋住酒店，本來就住另外一間嘅酒店 Skaftafell Hotel，不過價錢就貴好多~~~揀今晚呢一間酒店住係因為見到佢嘅早餐都幾豐富，重要平過Skaftafell Hotel...我哋去到酒店都係4點幾，咁就休息下喇。酒店附近咩都無，所以如果要食Dinner一係就係酒店食，一係就食自己帶來嘅嘢。我哋就當然係食自己嘅嘢啦~~~我哋今晚食杯麵加罐頭魚重有炸菜~~

間酒店附近咩都無