2014 冰島自駕之旅 Day 11 5/11/2014 (星期三)(13)

2014 冰島自駕之旅 Day 11 5/11/2014 (星期三)

Borgarbraut > Reykjavik > Hallgrimskirkja > Reykjavik City > Downtown Reykjavík Apartments

今日我哋會返去 Reykjavik 雷市，雷市無咩特別景點，都係教堂比較多人知，其餘嘅唔去到唔會覺得有問題嘅~~~

今朝都又出去影下睇下有無極光，不過其實一出去見到都幾厚雲，有嘅機會都唔係好大~~食完早餐，我哋十點幾先出發，去 Reykjavik !!

朝早出去睇下有無極光

早餐

見架車好多泥，就用水沖下佢先

行無耐，我哋就經過全冰凍唯一一條海底隧道，係要收費架，$1,000 kr，全長6 公里。我哋大概十二點就到咗 Reykjavik 啦，我哋第一個景點就係教堂。個到有得免費泊車，我哋兜咗一個圈就有位。

未落車已經覺得好大風，重要又落雨~~~我哋就快快係出面影完就行入去影裡面，入面其實都係一個教堂，不過如果有興趣想睇下 Reykjavik 嘅全景，教堂呢到又一個觀景台，要俾錢嘅，好似係 $1,500kr，就可以上去睇架啦~~~

之後就去咗呢個 Reykjavik 最大個 Shopping Mall 到行下，順便睇下有無嘢食啦~~~呢個商場其實就唔係好大架咋，有三層~~我哋係最高個一層搵到個 Food Court ，重見到有飯食，團友見到有飯食，兩眼發光~~~之後我哋叫咗個三餸飯，同埋一個包餐~~呢到重有壽司買架，不過D款式就真係好普通，但係價錢就唔普通~~

Food Court 呀....

中式飯餸呀....

好耐未食過飯啦...

食完就係到行下先，然後就去咗呢個珍珠樓。其實呢個珍珠樓應該係類似香港嘅展覽中心，入面重有餐廳。我哋上到去個餐廳到，又可以行出去影 Reykjavik 全景，不過~~~我哋出去個時有大風又大雨，我哋就要速影~~

係呢一間粉紅豬入面見到有咖啡，唔知係唔係免費嘅呢 ?!!

之後就許咗碼頭附近個間粉紅豬到入貨，買今晚嘅晚餐同聽朝嘅早餐~~~之後就去 Checkin，放好晒D嘢之後就出去市中心到行下。雨都係無停過，我哋就行Laugarvegur街，呢一條係 Reykjavik 嘅購物街。都幾多人行，如果唔落雨就好喇~~~話就話係購物街，其實唔係好多嘢可以買。我哋行行下又遇返上次係魔鬼瀑布遇到嘅韓國情侶，於是就問下佢搵唔搵到個電話，好彩佢搵到咋，我哋重影張相留念添呀~~傾咗幾句，原來佢都係同我哋同一日離開冰島，即係重有機會係機場到見到 !! 之後我哋就繼續行，但係雨勢開始大同埋又凍咗好多，我哋就返去住宿啦~~~返去途中又遇到韓國情侶，真係又緣 !! 見就快走都未試過食呢個三文魚，於是就去Laugarvegur街嘅粉紅豬到搵下，不過就無~~然後去咗一間類似便利點嘅超市，入到去就見到，重買咗一罐啤酒添~~

D dom dom 嘅譬如都過癮過人嘅...

Main Course 呢兩樣嘢食，我真係食唔落....

首都先有出現嘅中式餐館

之後就返去整晚餐，今晚食福字麵，因為要食晒帶來D嘢，費時帶返去~~~食完望下出面嘅天都重係厚雲同落雨，今晚應該影唔到極光，不過見到極光指數好高~~~可惜~~不過都好，可以休息下 !!

食完呢兩包重有兩包

有啤酒送....又幾好飲個喎...