~~~活在當夏~~~: 2014 冰島自駕之旅 Day 5 30/10/2014 (星期四)(7)

2014/12/05

2014 冰島自駕之旅 Day 5 30/10/2014 (星期四)(7)

2014 冰島自駕之旅 Day 5 30/10/2014 (星期四)

Kirkjubæjarklaustur > Skaftafell > 浮冰湖 (glacier lagoon) > Fjallsárlón Glacier Lagoon > Jökulsárlón Glacier Lagoon > Hofn > Sefdalur Studio Apartment

朝早起身又睇下有無極光先，不過醒嘅時間已經係6點幾喇，即係個天已經光咗~~~影咗兩張相就返入去房，之後就執嘢去食早餐。本來諗住酒店早餐會正好多添，點知都幾失望，D好普通嘅嘢食，重要全部都係凍嘢~~~

天都光晒(其實重係黑麻麻，不過暴光後先係咁)，無極光睇

淨係得D凍熱....

唯一嘅熱食就係自己整嘅熱餅

食完就走人~~去第一個景點 Skaftafell ，呢到會有行冰川嘅活動參加，不過我哋無報到，因為唔知天氣點，今日天氣又係天陰陰。我哋去到 Skaftafell 個 Visitor Center 都已經係十點幾。所以如果有冰川 Tour 應該出咗發，不過我哋就無諗住參加~~~去用完個廁所之後，我哋就去行附近嘅一個小徑，會睇到少少冰川嘅。不過行呢一條小徑有成1.8km長，來回就有成3.6km，都要成個鐘架...

我哋行到去最後有個湖都幾靚，但影下相~~~之後就行咗上去附近嘅一D黑色嘅冰川上面，要行去D潔白嘅應該要有裝備先得~~

睇完就走人，不過又係好大風~~冰島真係一個周圍都係風嘅地方，睇完呢個就去睇下附近嘅另外一個景點，都係瀑布來嘅，不過團友就無興趣，所以最後都無去。

睇落好似日落咁

鐵橋

就係呢到開始呢個 1.8 km x 2 嘅冰川行

小型浮冰湖

D冰有小小藍小小黑

諗住行過去睇下冰川，不過呢到係行唔到嘅

最後係另外一個位可以行上去一個有冰嘅地方，不過呢....D冰就黑色嘅

呢到已經全面冰封咗

返返去呢個 Visitor Center 途中見到有野生動物，不過唔知係咩來

Visitor Center

之後就去到 Skaftafell Hotel 附近到食返個 Lunch，食完走人嘅時候見到有條水喉就去洗下架車先，點知唔知係唔係凍得濟，結咗冰，出唔到水~~~

呢個位就係泊車然後行去睇瀑布嘅地方

首先來個薯蓉加汽水先，不過個薯蓉食晒個包都未來

呢到都幾多嘢可以揀

重有 Cake 食

終於等到個包啦....

油站外觀

洗車.......最後係洗唔到架

洗唔到車就繼續行程，下一個景點就係去睇呢個冰湖~~~我哋應該順路去睇Fjallsárlón Glacier Lagoon先嘅，點知個 GPS 就帶咗我哋去大個個 Jökulsárlón Glacier Lagoon，咁影兩張相就返轉頭啦，因為好多人都話 Fjallsárlón Glacier Lagoon靚過Jökulsárlón Glacier Lagoon。去到Jökulsárlón Glacier Lagoon一個人都無，不過入去條路又真係幾爛下，就算我哋係四驅車都覺得幾難行。我哋係呢個Jökulsárlón Glacier Lagoon到不停影，如果有藍天就更加正，不過又有人話，陰天影冰湖食靚好多~~~影到我哋走個時，先至有兩批人來，佢哋帶晒架餐，睇來都幾專業下。其實我見都係Fjallsárlón Glacier Lagoon同Jökulsárlón Glacier Lagoon中間有好多不知名嘅路，重不時有好多車駛入去，我諗個到應該都可以影到冰湖，不過我哋就無試~~

Jökulsárlón Glacier Lagoon

Fjallsárlón Glacier Lagoon

之後我哋就去返Jökulsárlón Glacier Lagoon影相，果然Fjallsárlón Glacier Lagoon係靚過Jökulsárlón Glacier Lagoon，所以我哋返轉頭去返Fjallsárlón Glacier Lagoon係啱嘅，影到差不多4點幾我哋就走人去 Hofn ，因為都有成個鐘車程架。

Jökulsárlón Glacier Lagoon

我哋去到 Hofn 就搵咗住宿先，行行下見到個N1油站就順便去入下油，呢一次係自助入油嘅，開頭都攪咗一輪先入到，好在之前有個 Forum有D台灣人講咗點樣自助入油啫，跟住做就無問題架喇。

自助入油站

今晚嘅住宿係係1號公路附近，就唔係 Hofn 市中心入面，因為市中心入面無晒D Apartment。Checkin完就去食是日 Dinner ，今日係食生日晚餐來架~~~嘻嘻，一次過慶祝晒~~正 !!

廚房入面嘅設備非常之齊全嘅

天氣好，我諗睇到極光嘅機會好大

係去食晚餐前，我哋又去咗附近嘅超市到行下，睇下有無嘢可以補倉。

我哋去咗 Hofn 其中一間幾出名食龍蝦嘅Kaffi Hornio ehf食店，重有另外一間叫Humarhöfninni，不過係9月尾就休息無做生意。我哋叫咗一個羊脾同一個龍蝦尾，呢兩個都幾好食，份量都 OK ，不過呢第一次食呢個冰島龍蝦覺得D肉就好淋下，唔似係香港食到嘅龍蝦咁彈牙~~~食完我哋就返去住宿到休息，不過當時就已經好大風下，之後重落埋雨添，我睇D Guest Book到寫有人係呢到睇到極光，不過今晚天氣唔好，可以休息下啦~~~

我哋17:30到去到，佢哋已經做緊生意