~~~活在當夏~~~: 2014 冰島自駕之旅 Day 7 1/11/2014 (星期六)(9)

2014/12/09

2014 冰島自駕之旅 Day 7 1/11/2014 (星期六)(9)

2014 冰島自駕之旅 Day 7 1/11/2014 (星期六)

Egilsstadir > Dettifoss魔鬼瀑布 > Namafjall Hverir地熱區 > Myvatn米湖 > Grjótagjá地洞溫泉 > Vogahraun Guesthouse

今日我哋就會去米湖個邊，不過天氣都重係唔係幾好，都係陰陰天。食完早餐，我哋就出發喇，不過又係落緊雨。行行下見到紅豬超市，諗住入去很個 round 先，點知要成11點先開~~~

早餐

Apartment 外表

紅豬未開門呀~~~嗚嗚~~

係紅豬隔離都幾多店舖個喎...

咁我哋就繼續上路啦，我哋第一個景點就係去呢個Dettifoss魔鬼瀑布。不過行行下見到有條橋有條河個位都幾靚，我哋就兜返轉頭睇下喇。重係到遇到對情侶，重幫我哋影咗合照添呀~~~

之後就一路去呢個Dettifoss魔鬼瀑布前進，一路行都係冰天雪地，行行下個 GPS 叫我哋入條862公路，咁我又記錯咗以為係要行864公路入喎，咁就繼續行啦，點知行行就去到呢個Namafjall Hverir地熱區。咁我哋當然就落車睇下啦，影下相周圍行下，點知行到成對鞋都係泥，攪咗一排先整到叫做無咁多泥先上車。上到車又繼續前行，點知上完山見到一個應該係米湖嘅湖，先知道過晒龍....咁我哋又揸返轉頭啦~~~

周圍都係雪

出面得1.5度

條路一架車都無，企係馬路到影相都無問題

Namafjall Hverir地熱區

呢到其實都幾臭

米湖

不過呢條862其實後半部，大部份都係鋪晒雪，去到停車場個到重要係好厚下添~~~泊好車，我哋就行入去喇。不過個時都已經點鐘，我哋又要食誠實豆沙包加海帶麵豉湯做午餐。食完就出發去呢個Dettifoss魔鬼瀑布，不過其實當時成大達地方都係雪，係唔知行去邊先到呢個Dettifoss魔鬼瀑布，不過好在佢哋郊野公園D職員棟咗D木支仔指示點行去Dettifoss魔鬼瀑布，唔係應該係唔知點行~~雖然有D木支但係都唔係好好行，我哋都係望住個職員個方向行，但係有D地方好似係水，所以都真係好小心咁行。其實我哋開始行個時都已經開始落雪，行到去近瀑布個到個時，其實係唔係幾睇都呢個瀑布，只係見到D霧咁~~~當時又係好大風，影完D相都係一片霧~~所以又係影咗兩三張就走人!!

之後行返出去個時，就試下整個雪天使，就係瞓係個雪地到係咁郁雙手同埋雙腳就得，不過我哋係失敗咗嘅….

咁就原路行返出去，其實如果天氣好，本來會去埋下遊架，不過今日咁嘅天氣，我哋就唔去啦….

行到一半到，遇到對韓國情侶，開頭以為佢哋係台灣人，講國語無反應，後來先知係韓國。女個個係咁同我哋講唔知咩英文，後來先Get 到原來佢唔見咗個艾瘋，想問我哋借個電話來打，睇下搵唔搵到。不過其實係我哋企個個位置係收唔到網絡嘅，即係借俾佢打都無用，亦都唔知佢電話收唔收到喎～～～不過都俾佢試下喇，電話入面講咗一段冰島話，唔知講咩～～咁我哋都試下幫佢係附近到搵下，不過都係搵唔到，咁我哋就建議佢搵個郊野公園管理員試下幫手喇～～～最後我哋都係搵唔到，咁我哋就唯有撤退喇，佢哋就繼續搵～～希望最後佢哋會搵到喇...

Dettifoss魔鬼瀑布

咩到睇唔到

玩下雪...

砌下雪人..

橙色衫個個係管理員，近個個係韓國男...好遠個個係韓國女

之後就諗住去住宿到Checkin，點知去到搵到個人話要17:00先有得Checkin喎，不過網上面寫咗係16:00就有得Checkin架~~~無得Checkin我哋就去附近嘅地方到周圍兜下啦~~

我哋去咗米湖嘅唯一超市，入面得好少嘢買~~之後就去咗米湖溫泉到喇 !! 又入去睇下先，睇下個收費又唔係貴，百幾蚊一個人到，都OK啦…無嘢做就來浸下啦 !!

之後就去咗一個野外地洞溫泉，個到其實有人話可以入去浸，不過我哋唔會囉，都唔知係邊到換衫同洗身，睇完就差不多五點~~~

行行下見到有D羊咩咩就去影下佢哋啦...

係相入面見到嘅屋係一間酒店來架叫 Hótel Reykjahlíð

係超市對面影過去嘅....第二日已經睇唔到個倒影

米湖溫泉

Grjótagjá地洞溫泉

去到住宿到可以 Checkin啦，其實呢到淡季可能唔係點做生意，定係住宿同埋間Pizza 店有關係嘅呢 ? 因為我哋都係係 Pizza 店到搵人 Checkin，之後佢就帶我哋去間房，房就唔係好大間，D喼又係要自己再執下間房先至可以放到，今日原來得我哋住成間 Guesthouse 。其實原先我哋係Book另外一間，不過個一間係無廚房嘅，即係無得自己整嘢食。後來搵搵下又見到有呢一間 Guesthouse有廚房嘅設置，所以就Book呢一間啦。呢一間Guesthouse個廚房係公用，設備都幾齊 !!

睇落都唔似係一間 Guesthouse