Day 4
Cesky Krumlov (CK) > České Budějovice (CB) > Český Krumlov (CK) 28 Oct 2012
今日成日都會係CK到活動，今朝一起身又係睇下出面咩環境啦，都係白霧霧一片，如果唔係凍其實都幾正嘅。今日係自己整早餐嘅，起身執返晒D眼耳口鼻之後，就整返個簡單嘅麵包早餐。食完早餐 Hae咗一陣先出門口，今日出門口就無落雪，但係就係凍囉。行去市中心到，去到個市廣場~~咦!!點解咁多著咗唔係呢個年代嘅衫褲嘅人係到嘅，唔通眼花~~唔係呀嗎~~晨早流流就咩~~睇真D原來係有人係到拍戲，重封咗成個中心廣場添，尋日重以為有個 Sunday Market 之類嘅嘢添，原來係拍戲。
之後我哋就行去個克倫洛夫城堡區 (Zámek Český Krumlov)、彩繪塔Hradek vezi、城堡花園Zamecka zahrada個邊到睇嘢啦~~~
行行下條街又封咗喎，原來又係拍戲，好在都重有路去個城堡到。係行去城堡途中，聽到有人講廣東話喎，我哋重以為係香港人添，之後又聽到佢哋講泰語喎，我哋諗佢哋應該係泰國華僑啦~~~
入到城堡，我哋就周圍睇下啦，又見唔到有買飛參觀城堡嘅地方喎(後來先搵到，原來係近住彩繪塔附近嘅。咁我哋就一路行入去啦，見到有個地方係寫住 Route 1 Entrance ，之後就寫住 Closed 。吓，唔係呀嗎~~今日休息，係呢間入口附近又有個好似Office 嘅地方，又係寫住 Closed ，我哋就以為今日白撞啦，無得睇添~~~
無得睇，就去睇下個城堡花園啦，要行一段斜路，係D咁凍嘅天氣行你都咪話唔辛苦~~~好啦，上到去~~咦 !? 點解有人企咗係度門到望下望下嘅，於是我哋就行去睇下啦，oh no…出面棟咗一個牌寫咗”The Castle
Garden is closed today”，吓~~又 Closed，呢個城堡花園又無得睇~~~咁我哋好快就睇完啦喎~~~
咁無得睇，點都要係門口影返張相先得。之後我哋就行返落去啦，好在重有個彩繪塔可以睇，我哋就行去彩繪塔個度，係彩繪塔附近我哋見到有人係到出出入入，個到可能有嘢睇，橫掂都無咩嘢睇，我哋就行入去睇下咩來架啦~~點知，原來呢到先係 Ticket Office ，可以買飛參觀城堡~~咁我哋當然係參觀下啦，10:15有個英語導賞，買完飛就差不多開始，我哋又行返去先前個 Entrance 到，等到就開始嘅時候就有個人係先前另外一個Closed嘅地方行出來，示意我哋可以入去啦~~~
等咗一陣check完飛就叫我哋上去個教堂到坐下等開始~~我哋就乘機影下相先，因為呢D 地方通常都係唔俾影相嘅，一路行個導賞員就解釋D嘢，每一間房入面D嘢同埋一D事件~~~入面D嘢其實唔係好靚，不過都有D地方係用金去製造，但係相比起德國個D城堡，呢到真係好普通~~不過最特別就係個演奏廳，入面D畫好特別，重有呢個城堡重話係有鬼添個喎，所以其中一幅畫入面有個人像係睇唔到個樣架~~~~
睇完我哋就走人去睇埋彩繪塔先，呢個彩繪塔基本其實係外表靚過內表嘅，不過上去就可以高位置睇到個CK嘅市中心啦，影相就真係一流啦~~~行完一輪，都差不多到食Lunch嘅時間啦，我哋今日就去會去食烤豬手或者烤鴨。
今日去個間就係係網上面好多台灣網友推薦嘅另外一間地窖餐廳KRCMA，尋日其實係想來呢一間到食咁，不過去錯咗啫~~
我哋未夠12點就去到呢一間餐廳，應該未Full嘅，入到去都重有位，正。之後我哋就叫嘢啦，因為見D人話叫一隻豬手兩個人食都有機會食唔晒，所以我哋就叫咗一隻烤豬手、一個麵包黑蒜湯同埋一杯汽水~~
隻豬手係係出面個爐到用木火來烤嘅，都幾過癮。個麵包黑蒜湯好快就上咗來，個湯其實就係咁有D蒜味放咗係個麵包入面，味道無咩特別，隻豬手嘅份量兩個人食都真係可以，味道都唔錯添~~
食完嘢，我哋就返去Apartment到Hae下先，見有時間，我哋就去CB個到睇下嘢先~~由CK去CB大概半個鐘車程到。呢個CB，其實都係得個廣場同埋一個叫黑塔嘅塔重有一間大教堂咁，我哋揸架車直入去個廣場到，去到又咁啱有個位可以泊喎，又見唔到話要收錢，於是我哋就落車影下個廣場同埋個黑塔，跟住就走人返去CK到。
係返去Apartment 前我哋就去咗間 Supermarket到買嘢食先，呢一間Supermarket係館主Martin話我哋知嘅~~入面都幾多嘢買，買咗D嘢之後我哋就返去Apartment到休息啦。今晚就自製晚餐，我哋就係食意粉加腸仔做晚餐，重加埋汽水~~~
食完嘢，就沖涼休息~~~聽日就會離開捷克進入奧地利玩5日，第一站就會去 Salzburg……
呢一間Apartment 都幾好，有得泊車，間房又大，重有就係Wifi非常之快，係要行去市中心有一段距離啫，但係識行又唔覺得好遠~~正 !!如果有人去都可以睇下呢一間啱唔啱，重有個館主都幾好人，可以答你好多問題，其實我未去之前都 Email 去問咗佢好多問題架啦~~
呢一間Apartment叫 Penzion Delanta ，館主叫 Martin ! 我都係係Booking.com 到搵嘅，我諗如果有興趣，應該可以直接 Email (martinniedl@seznam.cz)問佢嘅。
市中心廣場~~拍戲~
呢一段路又係封咗來拍戲
D屋頂都舖晒雪
城堡花園休息了
參觀皇宮
上彩繪塔
地窖餐廳
麵包黑蒜湯
烤豬手
呢一間係台灣好出名~~買護膚同清潔用品
CB嘅中心廣場
CB嘅黑塔
Beautiful ! Roof-tops covered with snow. ( like the scene in the film ' Harry Porter ' ) Why are there no lamps in the restaurants , only candles ? The 烤豬手 seems to be fatty. No rice ?
回覆刪除[版主回覆11/21/2012 21:17:17]個景就真係幾靚，不過個時都幾凍架...
呢Ｄ地窖餐廳全部都係咁嘅氣氛架...隻豬手其實又唔係好肥喎，重幾好食添呀...有Ｄ配菜，唔知可唔可以配飯嘅呢...
有雪好靚, 不過, 我最驚凍!
回覆刪除[版主回覆11/22/2012 18:43:42]不過如果有太陽會好好多~~有太陽分別好大...
十月尾落雪呀？
回覆刪除