6/11/2010 Day 16
Istanbul > Hong Kong
今日要返香港啦，不知不覺就係土耳其玩咗成16日啦，今日我哋係無行程嘅，因為我哋要8點幾就要Check Out，食完個簡單早餐，巡例我哋都會上去房到 Hae 一陣先。
到咗Checkout 個時個館主夫人唔知想找咩錢俾返我哋喎，攪咗好鬼耐喎，最後都係找 EURO俾返我哋。但係又無神神話要收返兩杯熱水錢喎，話係咩Room Service，個個人幫我哋整咗杯水我哋無俾Tips喎 !! 吓，個日我哋只係問下有無熱水，我哋想自己去”針”嘅，係唔知點解佢哋以為係我哋要熱水，奇怪 !! 竟然係最後俾到呢間酒店一個壞印象添~~~
今日個GPS又幾醒喎，無行錯路，好快就去到機場，咁早去機場都係因為驚亞GPS小姐玩嘢，唔知帶咗我哋去邊，所以就預鬆咗時間去機場架 !!
去到離境個層就見到租車公司嘅人係到等緊我哋啦，佢睇咗一下架車，問我哋有無問題就揸走咗啦，真係咩快手。之後我哋就入去機場Checkin啦，呢個機場一入到去就會好似過海關咁係到Check嘢。過咗呢個海關，我哋都唔知係邊到Checkin喎，等到成11點幾先知道係邊到Checkin，期間我哋都周圍搵架，因為都唔知係邊到Checkin喎，寄埋行李就準備等上飛機啦。呢個係Istanbul嘅機場唔算有好多嘢睇，一陣就行完。
之後上咗機無神神唔知做咩話要排隊等起飛喎，足足Delay咗成個鐘之後先起飛呀~~~
去到新加坡個邊，因為架機Delay咗，我哋要轉另外一架機返香港，但係去到新加坡個邊一D指示都無，我哋又唔知點攪喎，攪到我哋行來行去，原來要去地面個D Counter 到轉過張Boarding Pass 先得，好在最後都係攪掂 !! 最後要遲咗成兩個鐘先返到香港~~~
多謝各位有睇呢個土耳其自駕之旅嘅朋友，呢個遊記遲咗成差不多兩年先寫好，原因都係..懶..
今年都未諗到去邊添，日本雖然有好多人已經去，但係都係唔係咁合識，其他地方D季節氣候又唔係咁好，所以家下未有頭緒添..
早晨嘅Istanbul
早晨嘅Istanbul
陪伴咗我哋16日嘅車仔..有Ｄ唔捨得添..
一入機場就要過海關
入都入面..無咩行
有D簡單嘅嘢食
終於都等到去邊個Counter Checkin啦
呢到可以最後衝刺架
行行下入免重有其他嘢食喎
等咗好耐到未起飛
睇下片先
海鮮餐..正...
終於都搭到返香港班機啦
新加坡航空公司嘅海鮮餐真係好正!!
返香港啦
早餐
正，有雪糕食
沒有留言:
發佈留言
來到留返句說話先走啦...