2010 土耳其自駕之旅 (86) Day 13 - Istanbul

2/11/2010 Day 13

Cappadocia > Kirshhir
> Kirkkale > Ankara > Gerede > Bolu
> Duzce > Adapazan > Izmit > Istanbul

 

Istanbul

睇完呢個陵寢，我哋就繼續北上向Istanbul出發，我哋繼續行高速公路，點知行行下個張高速公路Pre-paid咭無晒錢喎，要去入錢，開頭我要入TL$10，個個人係到唔幫我入，大佬呀，我哋行埋今日高速公路公路應該就唔洗再行個喎，不過我懷疑佢唔知我講咩，係呢個攪咗我成十幾分鐘，最後都要我入TL$50先得喎~~~之後行完呢條路都係用咗幾蚊雞TL，重有成使十幾蚊無得用，咁我哋行完條高速公路諗住去 Refund 個咭喇，點知佢哋又唔知係咪唔知我講咩定點，又話無喎 !! 真係吹漲 !!

行完高速公路，一出到去無耐就塞車啦，我哋會行過一條橋，呢一條係橫跨咗歐洲同亞洲架~~過咗兩條橋，我哋就入到去舊城區喇，又係要搵酒店嘅時候啦。我哋周圍搵，問咗好多人先搵到間酒店咋。入到去Check-in，我填資料個時，個館主突然話好神奇，原來佢同我同月同日生日個喎，神奇又神奇在佢老公都係同月同日，嘩~~咁樣真係好神奇下~~問過下館主Istanbul適唔適合揸車去睇嘢，佢俾嘅意見俾我哋就係最好唔好啦，因為泊車比較麻煩~~~咁我哋係咪要提早還車呢 ?

間酒店房就唔係好大，不過叫做夠用啦。呢間酒店個位置就係幾個大景點嘅附近，行過去到係15分鐘之內就到。

我哋來到Istanbul都差不多成5點幾，然後就搵咗一排間酒店，到攪好晒D嘢都差不多成6點幾啦。今日差不多揸咗12個鐘頭車呀~~~攰唔攰呢 ? 查實我又唔係咁攰喎，因為一路行一路睇沿途D風景，都幾好，唔會太悶，反而亞團友成程係到瞓都話攰喎 !!

之後，我哋就出去搵嘢食啦..我哋搵咗一間有圖嘅，見到邊一款啱嘅就叫啦...食完就返去休息，聽日就開始Istanbul嘅遊覽喇，亦都意味著我哋嘅旅程就快去到尾聲啦~~~
到咗Istanbul啦 

就係呢條橋，橫跨歐亞

好多車

途經一個大景點，有無人知係咩..

搵咗好耐嘅酒店

要將d行李搬上樓上架

間房唔係好大..

出去搵嘢食，見到有D鐵路好似香港輕鐵

是日晚餐