2010 土耳其自駕之旅 (77) Day 11 - Goreme Acik Hava Muzesl (Goreme Open Air Museum)

31/10/2010 Day 11

Mersin > Nigde > Nevsehir > Goreme > Uchisar > Cavusin > Zelve > Urgup > Zelve > Urgup > Goreme

 

Goreme Acik Hava Muzesl ( Goreme   Open  Air   Museum )

安頓好晒所有行李之後，我哋就出去睇下附近嘅景點啦，如果唔係搵緊酒店搵咗咁耐的話，應該會重多D時間，所以我哋就要趕去附近嘅景點到睇咗先，因為呢~~~佢哋都幾早就他閂門架。去到呢個 Goreme Acik Hava Muzek (Goreme Open
Air Museum)(格雷姆室外博物館)，就見到有好多遊客係到啦，重有好多韓國人添喎。

Goreme
Acik Hava Muzek (格雷姆室外博物館)

係格雷姆(Goreme) 谷入面有超過30間以上嘅岩窟教堂，基本上呢D教堂同係平地上面嘅教堂一樣，都有十字架同埋圓形屋頂嘅構造，每間教堂嘅壁畫同洞窟特徵，都會標上土耳其語嘅名稱;有幾間保存完好嘅教堂入面，重可以睇到唔錯嘅壁畫呢!洞窟內嘅壁畫，有簡單嘅十字架圖案到聖經上嘅經典故事到有，壁畫細膩嘅表現，令到有非常多樣化。

D山洞其實係講D基督徒，每一個入面都有D壁畫係到，但係好多都係已經無晒影象，重有就係遊客係唔可以用閃光燈影相嘅，因為驚D相機嘅閃光燈會整到D壁畫退色...要行完呢個景點其實都可以好快，因為我哋係自己去睇，如果跟團就會有人導覽咁就會耐好多啦。不過佢哋都有D租導覽器嘅服務，你可以租一個一路行到去邊個位置，入返個個位置嘅號碼就可以聽到呢個位置嘅資料，不過淨係得英文同日文...

睇完呢個我哋就諗住去 Zelve 到睇日落啦，後來諗諗下其實我哋重有個地方未去睇，就係係格雷姆室外博物館隔離嘅Tokali教堂，個張格雷姆室外博物館嘅入場飛係包埋嘅。呢個Tokali教堂係格雷姆室外博物館嘅左手邊，係一間係 Kapadokya 裡面最大空間嘅教堂，係教堂嘅天花同埋牆壁上有好多壁畫~~~Miss咗呢個景點添，又過咗個營業時間喎，再入去睇呢一個景點又要再俾多一次入場費架啦..