2010 土耳其自駕之旅 (85) Day 13 - Anitkabir@Ankara

2/11/2010 Day 13

Cappadocia > Kirshhir
> Kirkkale > Ankara > Gerede > Bolu
> Duzce > Adapazan > Izmit > Istanbul

 

Anitkabir@Ankara

今日我哋要由Cappadocia 北上去到土耳其嘅一個大城市 Istanbul，會途經土耳其首都 Ankara 睇一睇個陵寢，之後就會直到Istanbul，係網上面睇車程要成10個鐘，都好耐下喎。所以今日又係要早D出發啦。今朝一早又係有好多熱氣球喎，不過就無尋日咁多，係間酒店房入面都可以睇到D熱氣球升空，但係出去睇就會正好多。

呢間酒店嘅早餐都唔錯，有好多選擇，間房有正D早餐有好，真係要推薦下俾其他人去住下先得。係食嘢期間，見到有好多日本人係到，佢哋應該係跟團，但係就唔係大團嘅，應該十幾個到啦。

食完嘢，我哋就要開始今日嘅漫長旅程啦。入資料去部 GPS到又係話要成10個鐘先到Iatanbul，一開始個時我哋就無跟部 GPS 行，睇路牌行，不過行行下都係跟返部 GPS 行啦，不過佢又帶咗我哋行咗村路同埋泥路，好在最後都係行返D正常嘅路，今次我哋全程一路都係行高速公路，大概12點幾到就到咗 Ankara啦。呢個Ankara無咩特別嘅景點，就有個叫土耳其國父嘅陵寢，我哋係附近周圍到兜咗一陣，搵咗一個係附近嘅位置泊低架車就入去睇下啦~~~呢個陵寢其實都幾大下，但係就無咩嘢睇，可以同D士兵影下相咁囉。入面重有個博物館，不過呢D嘢唔係我哋杯茶，所以睇完出面D嘢我哋就繼續行程去Istanbul啦，因為應該起碼重有成5~6個鐘先會到~~~
一早又係有好多熱氣球

係房入面望出去

早餐都有好多嘢揀架

好，出發啦...出面得1度咋!!

行行下見到有熱氣球喎

Ankara陵寢

呢到都幾大

望出去應該係市中心，不過空氣質素應該唔係幾好，有一層污染物係到

同士兵影下相先，佢哋都幾高下