2009 韓國自駕之旅 - Day 7 全州同樂園韓式早餐 & 華城行宮

一早瞓醒就要去霸個公共廁所用，因為唔知點解尋晚好夜嘅時候多咗幾個住客入住，呢Ｄ公共設備真係要等先有得用 ! 刷好牙，執好晒嘢就等食早餐，其實先前問過可唔可以早Ｄ食早餐嘅呢 ? 因為我哋今日要去首爾，車程都幾遠下，個後生仔話唔得，定咗係8:30唔會改 ! 好在我哋就第一批用個廁所啫~~~之後個Ｄ都要係到等，不過只係女個邊要等咋~~~男呢邊係唔洗等嘅。執好晒Ｄ嘢，就係呢近同樂園入面應下相喇，因為其實都無實際睇過~~~之後差不多8:30就有個亞豬媽係到叫，我諗係佢哋已經準備好早餐呱，食早餐嘅地方係係另外一邊嘅。呢個韓式早餐其實都好簡單，有魚、菜、湯同埋食韓國嘢唔少得嘅配菜啦~~~基本上都幾好味 ! 食完呢一餐，我哋就要出發去今日第一個景點喇，就係叫做華城行宮，係位於水原市。由我全州去呢個景點要成三個鐘嘅車程，去嘅路程都無咩特別，但係唔知點解行行下就開始塞車喎 ! 重要係唔知點解個隻~~~~去到呢個水原市都成11:30喇，於是我就搵個位去泊低架車啦 ! 去睇呢個華城行宮係要俾入場費，承惠每位1,500won啦 ! 去到門口先知原來呢個華城行宮係因為拍大長今而搭建出來，拍完之後就變咗做一個景點喇 ! 入到去本來想搵個廁所方便一下，不過入面係無廁所嘅 !

裡面有Ｄ位置係大長今係邊個位拍過，就會有個佈景公仔放咗係到，都幾得意 ! 睇完呢個原來行出去重有個位係要行上山嘅，不過團友們無咩興趣，所以就無上到去喇。之後就要搵個地方食Lunch啦，係泊車附近有間食店係食餃子嘅，於是我哋就食呢一間啦 ! 我哋叫咗兩個餃子，一個有湯，一個就無湯嘅同埋一碗海鮮麵 ! 嘩~~~其中一款餃子係用泡菜包架，食食下就會覺得好辣~~~最好食嘅就係個海鮮麵 !



朝早嘅韓屋有一番景象

呢到有個爐灶唔知係唔係示範煮嘢嘅呢 ?

原來重有另外一邊有房，不過尋晚應該有人住咗，呢一間有埋廁所係入面架!

呢個就係我哋嘅韓式早餐啦...有魚、有菜，重有豆腐添呀

個亞豬媽忙緊係到整嘢俾我哋食 !

好...呢個就係我哋嘅早餐喇.....有埋湯同埋飯係到架喇...

呢種韓屋好多都會自己整Ｄ醬料...

華城行宮

好大...好似無嘢咁 !

入面都係無咩嘢係到....

呢到就放咗Ｄ公仔係到話當時拍戲就係咁喇...

只可遠觀而不可褻玩焉

大家估下呢位大臣係到做咩呢 ?

咁呢位又係到做咩呢 ?

呢位媽媽生係到做咩呢 ?

呢個係大飽魚來架...即係上宮娘娘來架 !

入面有好多食品嘅樣放咗係到架....不過無得試呀

見唔見到長今呀....

咩個廚房咁細嘅咩? 我睇大長今個廚房好大個喎...

晒Ｄ醬油....

呢幅唔知咩來....好多地方都會見到...

呢個應該係Ｄ宮女職級唔同就著唔同嘅服飾

大飽魚呀

宮女....

米缸來架

呢個大臣係到唔知做咩....唔記得咗

韓式音樂樂器

韓國王朝服飾

終於搵到廁所...原來係出面 !

華城行宮出面有一大笪空地，上面有好多圖案架

後面個個山係可以行上去睇架.....

Ｄ木條都有Ｄ特別圖案架 !

食點天花Ｄ燈好特別 !

睇落係唔係好豐富呢 ?

呢Ｄ米幾好味個喎...

個亞豬媽教我哋撈埋Ｄ嘢個飯會好食Ｄ...又真係幾好食喎...

餃子 & 海鮮麵

呢間就係我哋幫襯個間食店啦

景點資料 : (轉自韓國觀光社)

華城行宮
* 地址
京畿道水原市八達區南倉洞
* 簡介
華城行宮是以前國王在戰爭時的避難所及臨時住所。華城行宫是韓國國內規模最大也是最早的行宫，供后代的皇室使用。 華城行宮為正祖每次旅遊時，稍作停留、休憩之處所。這裡曾舉行過惠慶宮洪氏60大壽宴會，及各種活動等。特別是落南軒，曾是舉行惠慶宮洪氏60大壽宴會的主要場所，過去科舉考試中頒發合格證給及格考生的會場，也是在這裡。 4月~10月每週日，在華城行宮正門舉行有壯勇營守衛儀式活動(正祖大王的親衛部隊壯勇營的守衛儀式，及巡視軍禮活動)。
* 旅遊小叮嚀
2007年華城行宮主要活動 1.壯勇營守衛儀式 期間:每年3月~11月 時間:每週日14:00 ∼ 15:00 地點:華城行宮正門(新豊樓前廣場) 2.華城行宮武藝24期演出 期間:2007年3月~12月(3月,12月僅週末演出) 時間:每天早上11點
* 交通資訊
* 當地交通訊息
1.地下鐵1號線水原站對面，搭乘2、7、7-2、8、13號公車 → 鐘路十字路口站下車 → 步行約5分鐘即可。 2.水原-蠶室： * 1007號巴士 / 首班：05:00 / 班車間距：8~12分鐘 * 乘車站：水原站(1號線)、華西門、近畿警察廳、水西站(3號線)、蠶室站(2、8號線)、石村站(8號線)、可樂市場站(8號線) * 下車站：水原鐘路 3.水原-江南、良才： * 3000號巴士 / 首班：06:00 / 班車間距：20分鐘 * 乘車站：水原站(1號線)、八達門、長安門、韓一大樓、芭長洞、良才站(3號線)、江南站(2號線) * 下車站：水原鐘路
* 詳細資訊
1.門票： 類 別 19歲以上 13~18歲、大學生 (須攜帶學生證) 7~12歲 個 人 1,500韓元 1,000韓元 700韓元 團 體 1,200韓元 800韓元 500韓元 * 團體須滿30人以上 * 6歲以下、65歲以上、殘障人士免費。 2.開放時間：09:00~18:00 3.旅遊諮詢熱線：+82-31-1330 (韓，英，日，中) 4.網址：http://hs.suwon.ne.kr/(韓，英，日，中)