2009 韓國自駕之旅 - Day 5 帝皇山公園 & 鎮海塔

食完個Lunch，我哋準備離開鎮海市喇，係走嘅時間，見到有一架纜車個外型幾特別，重向住個山上面行，於是我哋就去呢個地方到睇下喇。原來架纜車係會上去一個叫帝皇山公園嘅地方架 ! 呢架纜車係可以搭來回同埋單程嘅，我哋就買咗來回，每人盛惠3,000won啦 ! 買咗飛就上一層等車，原來都幾多人搭架，我哋都要等下先有得搭，其實呢架纜車我諗搭咗大約5分鐘到就到頂。上到去見到個塔，就叫做鎮海塔。參觀呢個塔都幾好，就係有Lift搭，唔洗行呀嗎 ! 去到個頂到，基本上可以睇晒全個鎮海市，不過好大風呢 ! 睇完我哋就去咗2樓嘅博物館到睇嘢，入面講咗呢個鎮海市嘅歷史同埋係鎮海市搵到嘅遺物。睇完我哋就周圍影下相，之後就等纜車搭返落去。但係其實我哋可以買單程，然後行返落去到得 ! 因為條樓梯唔係好長 (睇返資料原來都係得365級啫 !)。其實呢個鎮海市慢慢睇都可以睇成日，如果時間許可係海軍祭個段時間來睇，應該會多Ｄ嘢睇~~~~

呢個就係帝皇山公會啦~~~~

左手面個個就係纜車站喇 !

鎮海市

帝皇山公園望返落去

鎮海塔

我哋就係搭呢架纜車來回架喇~~~~

鎮海塔

其實Ｄ櫻花有Ｄ都已經凋謝生咗綠葉出來啦~~~

鎮海塔入面一幅相，應該係海軍祭嘅盛況

係鎮海塔頂可以睇晒成個鎮海市~~~~

對面個個山都開咗唔少櫻花

大家睇唔睇到係個山到有一條白色嘅路呀~~~我睇應該係成條路都開滿櫻花，但係呢~~~無地標無去到睇 !

鎮海塔入面嘅博物館

都有Ｄ似舊時嘅中國咁

呢Ｄ係古蹟文物來架

真係龍船呀 !!

鎮海市附近景點

景點資料 : (資料轉自鎮海市網頁)

帝皇山公園

帝皇山像白頭翁蹲坐著，所以叫白頭翁山，山峰稱為頭嚴峰，解放後改稱帝皇山。海拔90m ，山頂上建立著模仿戰艦主局，1927年日本打敗俄羅斯Baltiiskii艦隊的俄日戰爭戰勝紀念塔，但解放後被拆掉，1967年建立了象徵海軍軍艦的塔。

鎮海塔是高28m 的9層塔，建築面積3,068㎡，有可以一眼眺望鎮海市區的展望台，設置有爬到頂上的升降機。在中原交叉路方向爬上塔山的階梯有365個，所以也叫1年階梯，塔內部1、2曾市立博物館，展示在鎮海市發掘的各種遺物和文化財等的，讓您欣賞鎮海的文化遺物，公園東邊有動物園和廣場。

位 置

鎮海市帝皇山洞山28-6番地

交 通

在馬山，昌原乘坐鎮海方向的汽車，到鎮海警察局下車，步行5分鍾

周邊旅遊景點

海軍士官學校，鎮海派克藍多，長福山公園



附近住宿業所

業所名	所 在 地	客房數	電話號碼
希爾頓莊	鎮海市 光化洞	23	544-6232
希爾頓莊	鎮海市 太平洞 13-1	23	545-7881
國賓莊	鎮海市 松鶴洞 12-1	26	551-2323