2009 韓國自駕之旅 - Day 5 鎮海市賞櫻花 & Lunch

好喇....行程到已經過咗一半啦。今日嘅行程就係要去鎮海市睇櫻花~~~真係要唱返幾句~~~Sakura~~~Sakura~~~Sakura~~~

好....今朝係係東橫Inn到有免費早餐食，住過日本嘅東橫Inn嘅朋友都知道佢哋嘅早餐都叫Okay，唔會有太多款式，但係一定食得飽你 ! 究竟韓國嘅係點嘅呢 ? 原來都係以壽司同埋飯團為主，重有麵包同埋沙律食~~~呢Ｄ都係任你食嘅 !

食完嘢就出發去我哋嘅景點，由我哋住嘅地方去鎮海市要大約1個鐘到 ! 呢一次呢個GPS去唔知會帶我行Ｄ咩路呢 ? 揸去嘅時間一路到行一Ｄ高速公路，但係又唔洗俾錢喎，都幾好 ! 不過其實我都已經揀咗係行唔收錢路段去目的地，因為我覺得行Ｄ高速公路係無咁多嘢睇架  !

鎮海市每年都會有櫻花祭，係櫻花祭嘅時間，海軍軍營係會開放俾大家去睇嘅，不過我哋去嘅時候個櫻花祭已經完咗喇 ! 大約一個鐘就到咗鎮海市喇....今次輸入嘅座標係鎮海市政府，因為輸入其他嘅資料個GPS係搵唔到~~~去到個政府大樓我哋就泊好架車想入去睇下，查實係想去方便一下啫~~~~不過入到去睇來係無得借廁所用，咁我哋就影下相去另外一個地點，今次我就入一間民宿嘅電話~~~好在有資料，於是就揸去喇~~~一路行就越來越多櫻花樹出現，之後經過一個地方，好似係軍人嘅俱樂部。嘩~~~入面都有唔少嘅櫻花樹 ! 但係呢~~~我哋入唔到去呀~~~正當想揸車走人嘅時間，係一Ｄ橫街到發現咗一Ｄ櫻花路，呢一段路應該係民居嘅路，但係就成條到種滿櫻花樹~~~好鬼死靚架 ! Ｄ櫻花俾花吹落來嘅時候重勁過先前係濟州睇到個Ｄ....嘩~~我哋睇得好開心又不停咁影相~~正 ! 之後我哋就兜去鎮海市其他地方繼續睇櫻花~~~睇完我哋就要搵地方食Lunch，基本上我哋見到有圖嘅食店就會去睇下啱唔啱食，啱嘅就會去食。今次去食呢間都幾好味，我哋叫咗個牛肉鍋(睇個樣係唔辣嘅....後來都真係唔辣 !)，呢個牛肉鍋都幾好味~~~~食完我哋又繼續我哋嘅旅程喇 !

去咗途中見到嘅一個建築物...都幾特別

呢個就係鎮海市政府大樓喇...

成條路都係櫻花~~~好正呀

開頭見到呢到都覺得好正.....原來~~~~

轉過灣重正呀~~~~~

之後我哋係鎮海市入面周圍兜睇下Ｄ櫻花~~~~

有條火車路軌

午餐嘅地方~~~~Ｄ價錢出面同入面係唔同個喎 !

牛肉鍋~~~好好食架 ! 4人份量

景點資料 : (轉自韓國旅遊社)

鎮海軍港節 & 賞櫻花節
* 日期
一般會係每年3月底至4月初(需視乎當年嘅天氣)
* 地址
慶尚南道鎮海市
* 簡介
在櫻花盛開的4月初，鎮海軍港節在慶尚南道鎮海市一帶舉行。一到4月櫻花盛開季節，鎮海市就成爲一片粉紅色的花海。街道上的櫻花如天女散花一樣飄落。迎著花雨漫步街頭，浪漫愜意。 鎮海軍港節可以追溯至1952年。當時，爲紀念壬辰倭亂立下赫赫戰功的忠武公李舜臣將軍，鎮海市在韓國首次樹立李將軍銅像並舉行了追悼祭典儀式。這一活動持續11年後，到1963年，便升格爲文化節。今天的軍港節包括追悼李舜臣將軍的活動、文化藝術活動、八道風俗市場等，節目豐富多彩。
* 當地交通訊息
首爾 – 鎮海除慶典期間外，自首爾是沒有直達火車、客運到鎮海的。只有在活動期間，有櫻花列車。 *首爾(07:10) → 鎮海(12:40) *鎮海(16:55) → 首爾(22:59) 首爾 – 馬山 – 鎮海 江南巴士客運站，開往馬山的巴士自06:00至23:30，幾乎每隔20分一班，車程約5小時。再換乘開往鎮海的巴士，301號(05:51~22:50/25分一班) 及302號(05:30~23:18/11分一班)，車程約55分。 釜山 – 鎮海 釜山西部巴士客運站開往鎮海的巴士自06:00 到22:00，15~20分一班，車程約需70分左右。 釜山西部巴士客運站市外巴士站(地鐵 2 號線沙上站 3 號或 5 號出口) 往鎮海(每日06:00~21:30 有20班 4,500won 車程為1小時10分鐘) 釜山老浦洞釜山總合巴士站(地鐵老浦洞站出) 往鎮海 (每日09:10 ~19:00 有10班，6,400won 車程為 1小時40分鐘)
* 詳細資訊
1. 諮詢電話：鎮海市文化課 +82-55-548-2043                         李忠武公護國精神宣揚會 +82-55-546-4310; +82-55-542-8222 2. 旅遊資訊熱線：82-2-1330 3. 網站：http://www.jinhae.go.kr(韓、英、日、中)