好~~~講返呢日嘅行程先，食完晚餐，我哋就行返去Motel。途經清溪川，夜晚嘅清溪川會有Ｄ燈光嘅效果配合，都幾靚，我哋都影咗唔少嘅相。之後就去咗睇下夜晚嘅東大門喇~~~有Ｄ燈射住又幾靚喎，係行去東大門嘅時間，見到街邊有Ｄ魷魚食，於是我哋就買咗Ｄ來食，都幾好味喎，食完我哋又再買多一次 ! 之後就返 Motel 休息喇
夜晚嘅清溪川其實都幾靚架 !! 重有唔少人係到休息睇嘢
會有Ｄ噴水加燈光效果都幾靚 !!
東大門夜景
晚上嘅首爾市~~~有好多車呀 !
Motel 內觀 !
部電視成42"架 !! 重有水機~~~真係第一次見 !
廁所都好大架 ! 我住個間房重有埋電腦添呀 !!
原來清溪川夜晚都幾靚喎, 我上次日頭去, 就覺得無咩特別
回覆刪除[版主回覆05/24/2009 09:51:00]係呀~~~夜晚真係幾正~~~如果妳係影友就會影好多相啦~~~有無行晒成條呀 ?
唔係嘛, 真係唔似motel喎!
回覆刪除間房仲有電腦添
係咪免費上網0架?
[版主回覆05/24/2009 09:54:00]係呀~~~我都覺得好正呀 ! 免費上網其實係訂房時話要有得上網嘅房就得架喇~~~不過係要加幾千Won一晚，但係佢哋無加我哋錢喎 ! 呢一間Motel真係幾好，值得一住 ! 係如果第一次去人難搵Ｄ !
我都覺得清溪川好靚呀~ 之前幾次去韓國都有行清溪川, 不過就未試過行晒整條清溪川.. 但有機會都想試吓... 哈哈!
回覆刪除[版主回覆05/27/2009 05:00:00]係呀....日頭行都幾好...但係夜晚行重正，同朋友一路行一路傾就會行完~~
你同我去過的地方一樣嘅~ 你係咪用藍色o個本guild book?
回覆刪除o個間係咩motel嚟架?
我上次住namsan park附近的一間呀~
[版主回覆05/26/2009 19:54:00]係呀~~~我係用藍色個本旅遊書參考架 !! 因為睇過幾本Ｄ資料最好都係呢一本~~~咦~~~妳都去咗唔少地方喎咁 ^.*
我住個間 Motel 叫 Amgia Motel
妳個間呢 ? 叫咩名呀 ? 得唔得呀Ｄ設施~~~
你呢間motel 喺邊度ga？
回覆刪除[版主回覆05/27/2009 04:58:00]係首爾鐘路5街與鐘路3街中間，廣藏市場對面...位置都幾好 !!
無行哂成條呀, 因為唔夠時間呀
回覆刪除[版主回覆05/29/2009 10:06:00]嘻嘻~~下次行過!!
請問我地是3個女仔一齊去的, 如果行街行到1-2點返去會否危險, motel門前的小路好像有點危險和有點黑暗.
回覆刪除[版主回覆09/26/2010 20:05:00]嘩~~妳哋幾個有咩可以去到咁夜架 !!
其實我就唔覺得危險，不過個到都有唔少嘅夜市，最怕係Ｄ飲咗酒嘅人啫...
其實妳哋真係要去到咁夜的話，可以係日頭有光個時視察下邊一條路方便夜晚行，揀條安全嘅咪得囉 !! 因為其實都有唔少嘅路可以入到去呢一間 Motel 架