2009 韓國自駕之旅 - Day 6 Lunch@全州 & 假豐南門

睇完馬耳山之後，我哋就要去睇下全州其他嘅景點喇....有一個叫做豐南門嘅地方 ! 去豐南門就係正式踏入全州嘅地帶喇。去到全州市嘅時候個GPS帶咗我哋去一棟好似市政府大樓嘅地方，但係呢Ｄ又無位泊車喎 ! 我周圍兜來兜都無，所以就揸咗去另外一邊睇下有無位可以泊車喇 ! 哈哈...咁啱附近有間叫Home Plus 嘅百貨公司喎....通常呢Ｄ都係有得免費泊車個喎，咁我當然係揸入去泊低架車啦~~~由於時間都唔早土咁啱我哋又見到入面有個 Food Court 喎，當然係醫咗五臟廟先啦 ! 但係係去呢個 Food Court 嘅途中有團友已經被入面嘅護膚品公司吸引咗入去，重有收穫添~~~未到首爾已經開始進入作戰狀態喇 ! 買完嘢就去個 Food Court 到喇，呢到入都幾多款式揀下，但係有時太多都唔係一件好事，因為會花多眼亂 ! 最後我哋叫咗三個 Set ，嘩~~~~原來Ｄ份量都幾多下，夠晒4個人食呀 !

食完呢餐美味嘅午餐之後，我哋就行過去呢個豐南門喇。其實呢個豐南門我覺得有Ｄ怪怪地，因為佢係一棟建築物入面，我哋以為係因為呢個豐南門重建所以先將佢溶入去一棟建築物到添~~~後來我哋睇到真嘅豐南門先知原來呢個係假嘢......咁究竟呢個係咩來嘅呢 ?

呢個就係我哋食Lunch嘅地方喇....都幾大架 !

嘩~~~~幾多嘢食 !! Yummy !

一個 Set 入面有好多樣嘢 !

睇下~~~~呢個百貨公司入面有Ｄ護膚公司係入面架...有團友已經開始買嘢喇 !

街景~~~~

呢棟就係 Home Plus 喇...

豐南門...??? 假嘢來架 ~~

究竟呢棟係咩蛉嘅呢 ???